Masu Garkuwa Da Mutane Sun Shiga Komar ‘Yansanda, An Ceto Wadanda Suka Sace A Delta 

Rundunar ‘yansandan Jihar Delta ta kama wasu mutane biyu da ake zargi da yin garkuwa da mutane biyu da aka ceto daga hannunsu.

Jami’an ‘yansandan da ke aiki da tawagar ‘yan sintiri na Eagle-Net da ke kan hanyar shataletalen Effurun a garin Warri a Jihar Delta, sun ga yadda wasu ’yan bindiga suka lakada wa wasu mutane duka, nan take suka garzaya wurin da lamarin ya faru domin ceto mutanen biyu.

• Sai Mun Yi Gwajin Miyagun Kwayoyi Kafin Daura Aure A Abuja – NDLEA
• Shin Dalibai Na Da Wakilai A Tattaunawa Tsakanin ASUU Da Gwamnati Kan Yajin Aikin ASUU Kuwa?

Wata mata da ke wurin ta kuma zargi wadanda ake zargin da yin garkuwa da danta mai shekaru 17.

Binciken da aka yi a wurin ya nuna cewa mutanen da aka ceto ana zargin masu garkuwa da mutane ne, kuma bayan gudanar da bincike, sai suka amsa laifin da suka aikata tare da kai ‘yansandan zuwa maboyarsu, inda aka ceto wani da aka ceto daga bisani kuma aka garzaya da su asibiti domin duba lafiyarsu.

Kakakin rundunar ‘yansandan jihar, DSP Bright Edafe, ya tabbatar da kama wadanda ake zargin, ya kara da cewa suna tsare kuma ana ci gaba da bincike.

“Sun kama wata mota kirar Volkswagen Jetta mai lamba PTN 242 TA dauke da fasinjoji daga Sapele zuwa Warri.

“Wanda ake zargin ya boye bindigar ne a jikinsa kusa da al’aurarsa, binciken farko ya nuna cewa ya sayi bindigar ne a shekarar 2018 a hannun wani mutum mai suna “OSE” akan kudi Naira dubu ashirin da bakwai (N27,000) sannan ya binne ta a gidansa, kafin ya tafi Ghana.

Edafe ya kara da cewa, “An kama shi sannan ana tsare da shi kuma ana ci gaba da bincike”.