Yayinda kowace kungiya ta san abokiyar karawarta a rukuni na gasar kofin zakarun turai na bana, ga wasu daga cikin abubuwan da ya kamata a sani dangane da gasar.
Kungiyoyi 32 ne zasu fafata a gasar ta bana wadda za’a fara ranar 19 ga watan Satumba 2023 a kuma kammala ranar 1 ga watan Yuni.
Za’a buga wasan karshe na gasar ta bana a babban filin wasa na Wembley dake birnin Landan na kasar Ingila.
Duka wasannin za’a dinga bugasu a ranakaun Talata da Laraba sai dai wasan karshe na gasar.
