A yau Asabar ne za a buga wasa tsakanin kungiyar kwallon kafa ta Real Madrid da kungiyar Fc Barcelona.
Wannan wasa shi ne wanda ake hasashen babu wasan da ya fi shi daukar hankalin masu sha’awar kallon kwallon kafa a fadin Duniya.
- An Bayyana Ranar Buga El Clasico Tsakanin Real Madrid Da Barcelona
- Yau Real Madrid Da Barcelona Za Su Barje Gumi
Ga kadan daga cikin abubuwan da ya kamata ku sani dangane da wasan.
A tarihi kungiyoyin biyu sun hadu sau 261, inda kowace daga cikinsu ta samu nasara sau 104 aka yi canjaras 53.
Tsohon dan wasan Fc Barcelona Lionel Messi ne wanda ya fi zura kwallaye a tarihin El Classico inda ya jefa kwallo 26.
Sergio Bosquets har wayau tsohon dan wasan Barcelona ne ya fi kowane dan wasa buga El Classico a tarihi inda ya buga wasanni 48.
Real Madrid ta taba yi wa Fc Barcelona ci 11-1 a gasar kofin kalubale na Copa Del Rey a shekarar 1943 wanda shi ne wasa wanda aka fi zura kwallo tsakanin kungiyoyin biyu a hukumance ban da sauran wasannin sada zumunci.
Za a buga wasan na yau a filin wasa na Olympico Luis Companys dake Barcelona mai daukar mutum 40,423.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
