An Daure Dankasuwar Da Ya Sayi Motar Sata

Kotun yanki da ke garin Jos ta daure wani dankasuwa mai kimanin shekara 36 mai suna Paul Bitrus na tsawon wata uku a kurkuku.

Mai shari’a Adam Sadik da Hyacinth Dolnaan sun daure Bitrus sakamakon sayen motar sata da ya yi.

• ‘Yansanda Sun Cafke Matar Da Take Yi Wa ‘Yan Bindiga Safarar Bindigu A Jihar Zamfara

Sai an ba shi zabin tara ta naira 25,000 bayan da ya tabbatar da laifinsa.

Kotun kuma ta umarci a mayarwa da mai motar da aka sato masa.

Alkalin ya ce, hukuncin zai zama darasi ga wadanda ke da niyyar aikata irin wannan laifin.