An fitar da Kano Pillars daga gasar cin kofin shugaban kasa na Presidential Federation Cup, kungiyar Bichi First dake buga gasar Nigeria National League ce ta fitar da Pillars a wasan kusa da na karshe na gasar.
Bichi First FC ta doke Pillars da ci 4-2 a bugun fenariti a gasar cin kofin na jihar Kano bayan buga mintuna 90 na wasan ba tareda an jefa kwallo a raga ba.
Idan za a tuna cewa Kano Pillars ta kasa tsallake zagaye na 64 a wannan gasar a shekarar da ta gabata, Pillars na zaune a matsayi na 12 a teburin gasar Firimiyar Nijeriya da maki 45 a wasanni 35 da ta buga.
ADVERTISEMENT
