Rundunar ‘yansandan Jihar Adamawa ta kama wasu mutane biyu da ake zargi da kashe wani mutum mai suna Umaru wanda suke shi da maita.
Wadanda ake tuhumar sun hada da Adamu Alhaji Bamu mai shekara 35 da Manu Alhaji Bamu, mai shekaru 32, dukkaninsu mazauna kauyen Kila da ke karamar hukumar Toungo a jihar.
- An Yi Wa Matashi Daurin Rai Da Rai Kan Yi Wa Kurma Fyade A Kebbi
- Bangarori Daban-daban Na Falesdinu Sun Kulla “Yarjejeniyar Beijing”
Wadanda ake zargin duk sun amsa laifin da ake tuhumarsu da shi.
Wadanda ake zargin sun shaida wa kakakin ‘yansandan jihar, SP Suleiman Yahaya Nguroje, cewa marigayin ya cinye ‘ya’yan Adamu guda biyu.
Da yake ba da labarin faruwar lamarin, Adamu ya ce marigayin ba a haife da maita b, amma ya zama maye bayan ya rasa dukkanin shanunsa.
Ya kara da cewa tun da farko marigayin ya sanar da su aniyarsa ba sayen maita da nufin kashe mahaifinsa don gadon shanu.
Ya kuma ba da labarin cewa wanda abin ya shafa ya fara yi wa yaran Adamu sihiri bayan ya gaza kashe mahaifinsa.
Adamu ya yi nuni da cewa Umaru ya kashe ‘yarsa da aka fi sani da Hurera sannan daga baya ya kashe Mumuni, wanda hakan ne ya sa ya rama ta hanyar kashe shi, kuma bai yi nadamar hakan ba.
Wanda ake zargin ya ce ya daba wa Umaru adda har sau hudu yayin da dan uwansa ya doke shi da sanda, wanda hakan ya yi sanadin mutuwarsa.
