Gwamnatin Jihar Kaduna ta ce jami’an tsaro sun kama wasu mutane uku da ake zargi da hannu a kisan wasu mutum biyu a Nasarawa da ke Sabon Garin Nasarawa a karamar hukumar Chikun ta jihar.
Kwamishinan tsaron cikin gida da harkokin cikin gida, Mista Samuel Aruwan ne ya bayyana hakan a wata sanarwa da ya fitar ranar Litinin a Kaduna.
- Matasa Sun Kashe Dan Sanda Garin Rabon Fada A Neja
- Mutane Da Yawa Sun Jikkata Yayin Da Magoya Bayan PDP Da APC Suka Yi Arangama A Ribas
Gwamnatin Jihar Kaduna ta haramta zirga-zirgar jama’a da ke da alaka da tashe-tashen hankula a daren Lahadi da Litinin da suka yi sanadin mutuwar ‘yan mutane biyun tare da jikkata wasu shida a unguwar Sabon Garin-Tirkaniya da ke karamar hukumar Chikun.
A cewarsa, an dauki wannan matakin ne bayan da sojoji da ‘yan sanda da na ma’aikatar tsaro suka yi nazari sosai kan matsalar tsaro da kuma taron gaggawa da shugabannin gargajiya da na Addinin yankin suka gudanar.
Ya ce gwamnati ta kuma bayar da umarnin kama duk wanda ke da alaka da safarar miyagun kwayoyi a Nasarawa da Sabon Garin Nasarawa.
“An kashe mutane biyu, an jikkata mutane shida kuma a halin yanzu suna samun kulawar likitoci. An kuma lalata motoci da dukiyoyi da dama.”
Kwamishinan ya ce Gwamna Nasir El-Rufai ya yaba da matakin da sojoji da ‘yan sanda suka dauka na hana tashin hankali a yankin.
Gwamnan ya mika ta’aziyyarsa ga iyakan wadanda suka rasu.
Leadership Hausa ta rawaito cewa, a safiyar ranar Litinin ne gwamnatin Jihar Kaduna ta sanar da sanya dokar hana fita ta sa’o’i 24 a yankin Sabon Garin Nassarawa-Tirkaniya a karamar hukumar Chikun.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
