Wasu ‘yan banga sun kashe wani dan kungiyar ‘yan banga a unguwar Lugbe da ke birnin Abuja, bisa zarginsa da yin kalaman batanci ga fiyayyen halitta.
An rawaito cewa mambobin kungiyar ’yan bangar da ke gadin babbar kasuwar katako da ke rukunin gidajen gwamnatin tarayya a Lugbe, Abuja, sun yi yunkuri kama wasu mazauna kasuwar da ke yawo a kasuwar da sanyin safiyar Asabar.
- Darasi A Kan Nau’o’in Aikin Hajji
- Mene Ne Bambancin Wadannan Ruwan Guda Biyu Masu Fitowa Daga Gaban Mace?
An ce mazauna unguwar sun roki ‘yan banga da su yi wa Allah su sako su, kwatsam daya daga cikin ‘yan bangan ya buge su ya kuma furta kalaman batanci.
Shaidu sun shaida wa LEADERSHIP cewa an yi wa dan banga dukan tsiya tare da jefe shi cikin wuta ya babbake, lamarin da ya janyo ce-ce-ku-ce a a rukunin gidajen.
Daga baya an baza jami’an ‘yan sanda zuwa wurin da lamarin ya faru domin kwantar da hankulan jama’a.
