Jami’an tsaron gidan yarin Kuje da ke Abuja sun saki tsohon Gwamnonin Filato da na Taraba, Joshua Dariye da Rabaran Jolly Nyame.
Dariye da Nyame suna daga cikin mutum 100 da kwamitin afuwa da yafiya karkashin jagorancin Shugaban kasa Muhammadu Buhari ya musu ne mako 16 da suka gabata.
Idan za a iya tunawa dai shi dai tsohon gwamnan Jihar Taraba, Jolly Nyame ya shiga kurkuku ne bayan da wata babbar kotun a Abuja ta kamashi fa laifin handame dukiyar al’umma da ya kai naira miliyan 250 daga Nan ta daureshi zaman gidan yari na tsawon shekara 14.
Shi ma duk kusan hakan, tsohon Gwamnan Jihar Filato Dariye shi kuma an sameshi ne da laifin karkatar da biliyan N1.16 a shekarar 2018 inda a watan Yunin shekarar wata kotun Tarayya ta yanke masa hukuncin daurin shekaru 14 bayan samunshi da laifukan da suka shafi zamba da almubazzaranci.
Cikakken labarin daga baya:
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
