Wata babbar kotu a garin Fatakwal na Jihar Ribas, ta yanke hukuncin kisa kan wani tsohon dan sanda da aka samu da laifin kashe wani direban motar bas saboda cin hancin Naira 100 a 2015.
Mai shari’a Elsie Thompson lokacin da take yanke hukuncin, ta ce shaidun da aka gabatar a gaban kotu sun nuna cewa tsohon sajan din James Imhalu, ya yi harbin bindiga da gangan kan direbar motar hayan, David Legbara tare da kashe shi nan take.
- Za Mu Yi Maganin ‘Yan Siyasar Da Ke Bai Wa Matasa Kwaya — NDLEA
- Buhari Zai Tafi Portugal Yau Talata Don Halartar Taron Majalisar Dinkin Duniya
Mai shari’ar ta bayyana tsohon sajan din James Imhalu a matsayin makashin da bai kamata a bar shi ya ci gaba da rayuwa ba a cikin al’umma.
Ta ce kotun ta samu tsohon dan sandan da laifi saboda amsa tuhuma kan abin da aka aikata da shaidun da aka gabatar a kansa.
Lauyan da ke shigar da kara, Kingsley Briggs, ya yaba da hukunci, inda ya ce zai kwantar da hankalin iyalan mamacin kasancewar shi ne mai kula da iyayensa.
