Buhari Ya Ja Kunnen Matasa: Ku Nemi Ilimi Ba Don Aikin Gwamnati Ba Kawai

Shugaban kasa Muhammadu Buhari, a ranar Laraba, ya bukaci matasa da su nemi ilimi ba don aikin gwamnati ba, don babu “ragowar wuraren aiki a gwamnati.”

Ya kuma bukaci matasa da su rika sanin tarihi domin gujewa tafka kura-kuran da na baya suka tafka. Jaridar Punch ta rahoto.

• Ya Kamata Buhari Ya Gaggauta Kawo Karshen Yajin Aikin ASUU – Femi Falana

A cewar wata sanarwa da babban mai taimaka masa na musamman kan harkokin yada labarai, Garba Shehu ya sanyawa hannu a ranar Laraba, Buhari ya bayyana hakan ne a lokacin da ya kai ziyarar gaisuwar Sallah ga Sarkin Daura, Faruk Faruk, a fadarsa.

Ya roki iyaye su koya wa yaran su dabi’u nagari, wadanda suka hada da tsoron Allah, mutunta hukuma da yin rayuwa mai ma’ana ta hanyar ci gaba da neman ilimi.

Ya kuma yi nuni da cewa, ya kamata a rika koyar da yara kanana tarihi, domin zai yi wuya su kasance masu kishin kasa da rikon amana da mutuntawa, in basu san cikakken tarihin asalin Kasar su ba.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”