Masu yi wa kasa hidima sun kai wa s shugaban kasa Muhammadu Buhari ziyara a gidansa da ke Daura, don taya shi murnar Sallah babba.
Sun kai ziyarar ne a daidai lokacin da shugaban ya je mahaifarsa Daura domin hutun Babbar Sallah.
- ISWAP Ta Kwance Motoci 4 Dauke Da Abincin ‘Yan Gudun Hijira A Borno
- Babu Aibu A Zabar Musulmi 2 A Matsayin ‘Yan Takara – Ladoja
A wani sako da ya wallafa a shafinsa na Twitter, shugaba Buhari, ya gode wa masu yi wa kasa hidimar bisa ayyukan raya kasa da suke yi.
Shugaban ya gode wa masu yi wa kasa hidimar bisa gyara rijiyoyin burtsatse da suka yi a Daura da kuma horas da matasa da kuma wayar da kan jama’a kan batun kula da kiwon lafiya.
Buhari ya ja hankalinsu kan kaunar juna da tsage gaskiya, da kuma kishin Nijeriya a zukatansu.
Kusan duk shekara masu yi wa kasa hidima da ke Daura na kai shugaba Buhari ziyara a lokacin da ya je hutun sallah babba ko karama.
