Mayakan ISWAP sun kai hari a kan wasu manyan motoci 40 da suka dauko kayan abinci domin a kai wa ‘yan gudun hijira da ke a jihar Borno, inda suka samu nasarar kwace motoci hudu.
Lamarin ya auku ne a kauyen Layi da ke a karamar hukumar Mobbar.
- Abin Da Yasa Ba Mu Buga Sunan Lawan Da Akpabio Ba – INEC
- Mutane 880 Sun Kamu Da Korona A Ranar Asabar – NCDC
Wata majiyar jami’an tsaro ta sanar da cewa, za a kai abinci ne Damasak.
Majiyar ta kara da cewa maharan sun kai harin ne a cikin wasu motocinsu hudu, inda bayan sun kai harin, suka juye kayan abincin a cikin motocin nasu.
Wannan ba shi ne karo na farko da maharan ke kai farmaki kan sansanin ‘yan gudun hijira ko jami’an tsaro a jihar ba.
