Buhari Ya Yi Allah Wadai Da Sace Jarirai Sabbin Haihuwa A Anambra 

Shugaban kasa Muhammadu Buhari, ya bayyana kaduwarsa bisa rahoton sace sabbin jarirai biyar da aka haifa a Jihar Anambra, ya kuma bada umarnin a magance yawaitar laifuka a yankunan ba tare da bata lokaci ba.

An yi garkuwa da jariran ne a asibitin Stanley da ke Nkpologwu a jihar.

• NIS Ta Ƙara Ƙaimin Aiki, Inda Shugabanta Ya Buɗe Sabon Ofishin Ingancin Aiki
• 2023: PDP Ta Koka Bisa Matsin Lamba Da Ake Wa Mambobinta A Zamfara

Maharan dai sun dauke jariran ne sannan suka kara gaba.

Ya bayyana hakan ne a cikin wata sanarwa da babban mataimaki na musamman na shugaban kasa kan harkokin yada labarai, Garba Shehu, ya fitar a ranar Juma’a.

Buhari ya bayar da umarnin a tsaurara matakan tsaro a asibitoci don hana sake afkuwar lamarin, inda ya ce dole ne a gaggauta shawo kan lamarin.