Burtaniya Ta Dau Zafi: Fiye Da Jami’ai 50 Na Firaminista Sun Yi Murabus

Ana sa ran Firaministan Burtaniya, Boris Johnson zai sanar da murabus dinsa nan da ‘yan sa’o’i kadan yayin da adadin masu murabus daga jam’iyyarsa ke ci gaba da karuwa.

A cewar kafofin yada labaran Burtaniya, Mista Johnson ya amince ya yi murabus. Sama da mambobin majalisarsa 50 ne suka yi murabus daga ranar Talata. Iniji premium times.

• Zargi Safara: Gwamnatin Tarayya Ta Dauki Lauyoyin Da Za Su Je Burtaniya Don Kare Ekweremadu

Firaminista Johnson ya shiga tsaka mai wuya acewar wasu masu fashin bakin siyasa ne kan nada Christopher pincher a matsayin mai tsawatarwa duk da kaurin sunansa a rashin daraja na gaba.

Sauran batutuwan da suka kara saka Firaminista Johnson tsaka mai wuya sun hada da dagulewar tattalin arziki da ‘yan Burtaniya ke fuskanta a halin yanzu.

Akwai rade-radin cewa Sajid Javid ko Rishi Sunak ne za su maye gurbin ofishin Firaminista Johnson.