Chelsea Ta Lallasa Tottenham Har Gida Da Ci 4-1

Kungiyar kwallon kafa ta Chelsea ta lallasa abokiyar karawarta Tottenham Hotspur da ci 4-1 a filin wasa na Tottenham Hotspur Stadium.

Wasan mako na 11 a gasar Firimiya ta kasar Ingila ya zo da abin mamaki ga kungiyar kwallon kafa ta Tottenham wadda ke matsayi na biyu a teburin Firimiya.

• Gobara Ta Tashi A Shagon Sayar Da Kayan Kamfanin Samsung A Abuja
• CIIE Na Da Matukar Muhimmanci Ga Ci Gaban Tattalin Arzikin Duniya

Kafin yanzu Tottenham ba ta yi rashin nasara a Firimiyar bana ba, amma kocin kungiyar Postecoglu ya nuna bacin ransa akan katin kora da aka bai wa ‘yan wasansa biyu.

‘Yan wasan Tottenham Cristian Romero da Destiny Udogie ne suka samu katin kora a minti na 33 da minti na 55 bi da bi.