Dan majalisa mai wakiltar karamar hukumar Bakori a majalisar dokokin Jihar Katsina, Dakta Ibrahim Aminu Kurami, ya rasu a kasar Saudiyya.
Dan majalisar dai ya tafi kasar Saudiyya ne domin yin aikin Umrah.
- Kalubalen Da Ke Gaban Sabon Shugaban Hukumar Kwallon Kafa Ta Kasa
- Jihar Gombe Ta Samu Nasarori Cikin Shekaru 26 Da Kafuwarta – Gwamna Inuwa
A cewar wata majiya daga iyalan marigayin, ya rasu ne bayan ya yi fama da gajeruwar rashin lafiya a Madina da misalin karfe biyu na dare na agogon Nijeriya.
ADVERTISEMENT
Ya mutu ya bar mata biyu, ‘ya’ya 11 da jikoki uku.
An zabi Kurami a matsayin dan majalisar dokokin Jihar Katsina a zaben cike gurbi da aka gudanar a ranar 31 ga watan Oktoba, 2020, bayan rasuwar magajinsa, Hon. Abdurrazak Ismail Tsiga.
Bayan kai ziyara gidan mamacin, ‘yan uwa da abokan arziki sun yi wa gidan mamacin tsinke a safiyar ranar Litinin.
