An shiga rudani a garin Lokoja da ke jihar Kogi l, biyo bayan jin fashewar wani abu a harabar ginin da ofishin Sakataren Gwamnatin jihar.
An yi yunkurin jin ta bakin kakakin rundunar ‘yan sandan jihar ta Kogi, Williams Ovye Aya, amma hakan ya ci tura.
- Tirelar Kwasar Shara Ta Hallaka Sojoji 2 A Kaduna
- Jami’an KAROTA Sun Damke Bakin Haure Dauke Da Muggan Makamai A Kano
In ba a manta ba, jihar Kogi ta sha fama da samun aukuwar fashewar bama-bamai, wanda a ranar 3 ga watan Yunin 2022 wani Blbam ya fashe a yankin Idoji da ke a karamar hukumar Oken, inda hakan ya janyo mutuwar wasu, wasu kuma suka samu raunuka.
Matsalar tsaro dai na ci gaba da zama babban kalubale a fadin Nijeriya, inda yankuna arewa maso yamma ke fama da hare-haren ‘yan bindiga.
