Wani matashi mai shekara 25, mai suna Ammar Ibrahim, ya nutse a wani rafi a kauyen Tattarawa da ke Karamar Hukumar Dawakin Tofa a Jihar Kano.
Hakan na kunshe ne cikin wata sanarwa da kakakin Hukumar Kashe Gobara ta jihar, Saminu Abdullahi, ya fitar a safiyar yau Laraba a Kano.
- 2023: Atiku Da Tambuwal Sun Bukaci ‘Yan Nijeriya Ka Da Su Sake Zabar APC
- Ba Zan Bari Kowa Ya Kawo Cikas A Zaben 2023 Ba – Buhari
Abdullahi, ya ce lamarin ya faru ne a jiya Talata .
“Mun samu kiran gaggawa da misalin karfe 11:34 na safe daga wani Muhammad Sani kuma mun aika da tawagarmu zuwa wurin da abin ya faru da misalin karfe 11:55 na safe.
“Direban Adaidaita Sahu din da ke kan hanyarsa ta komawa Kano, ya tsaya a gefen titi kusa da wani rafi da nufin wanke babur din, amma sai tsautsayi ya ja shi ya fada ciki.
“Ya yi kokari da yawa don ya tsere amma hakan bai yiwu ba,” in ji Abdullahi.
Ya ce an fito da marigayi Ibrahim daga cikin ruwan a sume kuma daga baya aka tabbatar da rasuwarsa.
Abdullahi ya kara da cewar an mika gawar ga Sifeto Jerry Mathew na ofishin ‘yansanda na Dawakin Tofa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
