Hukumar yaki da cin hanci da rashawa ta EFCC ta saki Kakakin Majalisar Dokokin Jihar Ogun, Rt. Hon Olakunle Oluomo, daga tsarewar da ta yi masa.
An saki Oluomo ne a ranar Juma’a bayan shafe tsawon dare guda a ofishin EFCC da ke Abuja bisa zarginsa da sama da fadi da karkatar da kudade.
- EFCC Ta Cafke Shugaban Majalisar Dokokin Jihar Ogun
- EFCC Da NIS Za Su Yi Hadin Guiwa Kan Yaki Da Cin Hanci
Da yake tabbatar da sakin Oluomo ga LEADERSHIP, Hadimin Kakakin a fannin yada labarai, Mallam AbdulGhaffar Adeleye, ya ce, Mai gidan nasa ya samu ‘yancinsa yanzu haka yana gida, “Jama’a su yi watsi da jita-jitar cewa an dauke shi zuwa Abuja domin tambayoyi.” Cewarsa.
LEADERSHIP ta labarto cewa Oluomo dai ya shiga hannun EFCC ne a ranar Alhamis da safiya a filin Jirgin saman Legas bayan zargin da aka masa na kin amsa gayyatar da hukumar ta sha masa domin amsa tambayoyi.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
