Emefiele Ya Nemi Kotu Ta Yi Garanbawul Kan Sharuɗan Belinsa

A ranar Alhamis ne tsohon gwamnan babban bankin Nijeriya (CBN), Godwin Emefiele, ya gurfana a gaban kotu inda ya bukaci a canza masa sharudan belinsa. Emefiele na neman a sake duba wasu Sharuɗan da ke cikin kundin Sharuɗan belinsa.

Yanzu haka dai Emefiele yana fuskantar shari’a kan tuhume-tuhume shida da suka shafi zamba cikin aminci ta ɗimbin kuɗaɗe waɗanda suka kai kimanin Naira Naira biliyan 1.2.

• Ba Wanda Zai Iya Kawo Tsaiko Ga Hadin Gwiwar Sin Da Afirka
• Ba Kwashe Kudin Al’umma Ya Kawo Mu Zamfara Ba – Gwamna Dauda 

An sake shi daga gidan gyaran hali na Kuje wanda tun farko anan aka tsare shi a ranar 23 ga Disamba, 2023, kwanaki 34 bayan da alkali ya bayar da belinsa.

A yanzu haka mai shari’a Hamza Muazu na babbar kotun birnin tarayya yana sauraren hujjoji kan lamarin, kuma nan ba da jimawa ba za a yi karin bayani.

Akwai karin bayani nan gaba kadan…