Finidi George Ne Zai Jagoranci Wasan Sada Zumunta Na Nijeriya Da Kasar Mali

Mataimakin mai horar da tawagar kwallon kafa ta Nijeriya ta Super Eagles kuma mai horar da kungiyar kwallon kafa ta Enyimba da ke buga gasar Firimiya ta Nijeriya, Finidi George ne zai jagoranci tawagar Super Eagles a wasan sada zumunta da kasar Mali a mako mai zuwa.

Finidi shine mataimakin tsohon kocin tawagar ta Nijeriya, Genort Rohr wanda ya ajiye aikinsa na horar da tawagar bayan da aka kammala gasar kofin kasashen Afirka da aka kammala kasar Cote de’Voire, AFCON 2023.

• AFCON 2023: Abubuwan Da Suka Faru Ga Super Eagles
• Darussa Ga Nijeriya Daga Gasar Cin Kofin Duniya

Hukumar kwallon kafa ta Nijeriya, NFF na fatan ganin ta nemo wa tawagar Super Eagles sabon mai horaswa domin ci gaba daga inda tsohon kocin mai murabus, Rohr  ya tsaya.

Nijeriya da kasar Mali zasu buga wani wasan sada zumunta a tsakaninsu a mako mai zuwa a kasar Maroko kafin ta buga wasa tsakaninta da kasar Ghana.