Fintiri Ya Dauki Shugabar Jami’ar Jihar Adamawa, Mataimakiyarsa

Gwamna Ahmadu Umaru Fintiri na jihar Adamawa ya zabi mataimakiyar shugaban jami’ar jihar Adamawa VC. Farfesa Kelatapwa Farauta a matsayin mataimakiyarsa a zaben gwamna na 2023.

Babban daraktan yada labarai na gwamnan, Solomon Kumangar, ya tabbatar wa LEADERSHIP da hakan a wata tattaunawa ta wayar tarho a ranar Alhamis.

• 2023: Fintiri Zai Dauki Hannatu Kadala A Mataimakiyarsa, Binani Zata Sauya Namdas Da Titsi

Kumangar ya ce, “An tabbatar da cewa mai girma Gwamna Ahmadu Fintiri ya zabi Farfesa Farauta a matsayin abokiyar takararsa.”

Farfesa Farauta ta fito ne daga karamar hukumar Numan ta jihar. Za ta maye gurbin Crowther Seth, daga karamar hukumar Lamurde, dukkansu daga shiyyar Sanatan Kudancin jihar suke.

Farauta ta kasance Babban Sakatariya a hukumar Ilimin bai daya ta jihar Adamawa (ADSUBEB) a shekarar 2014.

Ta kasance kwamishiniyar ilimi daga 2015-2017 sannan daga bisani aka nada ta mataimakiyar shugabar Jami’ar jihar Adamawa dake Mubi.

Ta taba zama Malama a Jami’ar Modibbo Adamawa (M.A.U) Yola.

Ta yi B.sc (Agricultural Extension) a Jami’ar Nsukka dake Inugu a shekarar 1989 kuma tana da aure da ‘ya’ya.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”