Jarumin na TikTok, G- Fresh Al’ameen wanda ake kira da Kano state material ya bayyana roƙonsa a sakon wani bidiyo da ya wallafa a shafinsa na kofofin sada zumunta zuwa ga Sheikh Aminu Ibrahim Daurawa, na ya janye murabus ɗinsa ya dawo kan kujerarsa ta Hisbah.
Kano state material ya bayyana cewa shi Malam Daurawa a matsayin mutum mai gaskiya kuma sun saba da shi don ba a san wa za a kawo musu ba kuma.
- Sheikh Daurawa Ya Sauka Daga Muƙaminsa Na Shugaban Hisbah Kano
- Rikita-rikitar ‘Yar Tiktok Murja Kunya Da Hukumar Hisba A Kano
G-Fresh ya ce, suna da fahimtar juna da malam kuma malam yana da gaskiya da amana, ya kuma ce kalaman gwamnan Kano su ma suna kan gaskiya don kira ya yi da a gyara ta kallon tsarin mulkin Nijeriya da ya hana cin zarafin dan’adam.
Tun bayan da hatsaniyar saukar Sheikh Daurawa ta kunno kai, wasu ‘yan jam’iyyar hamayya a shafukan sada zumunta a Kano nata wallafa sakonnin neman gwamnan ya maye gurbin shugabancin Hisbah da G-Fresh Al-ameen ko Mustapha Naburuska a wani salo na shagube da hamayya ga gwamnatin Kano.
Meye tsokacinku kan wannan batun?
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
