Leadership Hausa

PalmPay Na Ƙara Wayar Da Kan Jama’a Game Da Hanyoyin Tuntuɓar Tallafi Na Hukuma Yayin Da Haɗarin Zamba Ke Ƙaruwa

October 19, 2026

Kamfanin hada-hadar kuɗi na zamani na PalmPay ya gargaɗi kwastomominsa da su ƙara taka-tsantsan wajen kare bayanan asusunsu, musamman daga...

NNPCL Ya Rage Farashin Man Fetur Zuwa ₦860 Kan Kowacce Lita – IPMAN

‘Yan Nijeriya Sun Gaji Da Uzurin Gwamnati Na Ƙarin Farashin Mai A Ƙasa

by Leadership Hausa

October 11, 2026

0

A birane da dama a Nijeriya, farashin Man Fetur duk lita daya, ana sayarwa, a tsakanin Naira 1,400 zuwa Naira 1,500. Hakan ya sanya ‘yan kasar da dama, musamman talakawa kokawa, kan wannan karin farashin na Man. Kazalika, hakan ya kuma nuna yadda ita ma, hukumar kula da harkokin sarrafawa da tacewa da kuma sufurin man fetur ta kasa NMDPRA, ta yi ikirarin cewa, ba ta lafi, kan wannnan karin, na farashin Man. Hukumar a cikin sanarwar da ta fitar a ranar 19 na watan Satumbar 2026, ta ce, ba ita ce, ke da alhakkin daidata farashin Mai, a kasar ba. Ta kafa hujja da sashe na 205 daya a cikin baka, na dokar masana’antar sarrafa Man. Wannan dokar dai, ita ce, ta bayar da damar kayyade farashin Mai a kasar. Wannan batun haka yake a Zahiri kuma mun yi Imani, da hakan. A gefe daya, matatar Man dangote, ta kara farashin Man daga Naira 85 zuwa Naira 1,265 tare da kuma kara farashin, zuwa Naira 1,350 kan kowacce lita daya. Ta ce, ta yi hakan ne, saboda tashin farashin danyen Mai a kasar duniya wanda ya kai dala 100 kan kowacce Ganga daya. A cikin ‘yan kwanuka, dillalan Man suka kara farashinsa, wanda a cikin mako daya, gidajen Mai, musamman a Legas da Abuja, suka kara farashinsa, zuwa Naira 1,450, kan kowacce lita daya. Hukumar NMDPRA ta yi ikirarin nuna damuwarta kan karin da ya jefa alumma cikin karin wata matsalar, musamman ga masu yin tafiye-tafiye da kuma shafar harkar kasuwanci, a daukacin fadin kasar. Bugu da kari, hukumar ta dogara kan sashe na dokar masana’antu ta 205 biyu a cikin baka da kuma sashe na 205, hudu a cikin baka wato PIA, da suka haramtawa gwamnati shiga tsakani, kan daidaita farashin Mai. Ta kuma yi ikirarin cewa, ita, ba wania abu da za ta yi, kan lamarin. Hukumar dai, ta dogara ne, kan matatar Mai daya a kasar, inda ta dogara, kachkam, kan shigo da Man daga ketare. Haka zalika, sashe na 216 na dokar hukumar, bai bata wani iko, na daidaita farashin Mai a kasar ba. Masu kayyade farashin, babu abinda suka sani, illa batun kara farashin Man. A gafe daya, ‘yan kasa masu amfani da Man, suna ci gaba da jin jiki, inda ake ci gaba da takike su, saboda karin farashin Man kuma babu wani alamun sauki da za su iya samu. A duk lokacin da aka samu karin farashin Mai a kasar, hakan na shafar fannin sufuri tare da kuma samun karuwar farashin kayan abinci, musamman duba da cewa, sai an kashe kudi ne, ake yin safarar kayan amfanin gona da aka noma, zuwa kasuwannin kasar. Suma masu kanannan sana’oi, musamman wadanda suka dogara da yin amfani da injinan Janareta, duba da irin matsalar da ake ci gaba da fuskanta, daga babban layin kasamr da wutar lantarki na kasa, inda karin farashin, na ci gaba da shafar sana’arsu, A bangaren ‘yan Nijeriya, abinda suka fi bukata daga gun mahukuntan kasar shi ne, a samar Man a cikin farashi mai sauki, ba wai hujojin da hukumar, ta fake a kansu, a cikin sanawar da ta fitar, kan lamarin ba. ...

An Kashe Mutane Da Dama Da Kone Gidajensu A Wani Hari Da Aka Kai Benuwai

Bukatar Guje Wa Siyasantar Da Matsalar Tsaro

by Leadership Hausa

September 27, 2026

0

Barkewar cacar bakin da ta kaure a kafar yada labarai wato sukar da babban ministan tsaro Christopher Musa mai murabus ya yi kan tsohon gwamnan jihar Kaduna Malam Nasir El-Rufai, ta sake haifar tarnaki, ga lamarin rashin kasar a cikin bangaren siyasa. Christopher, a wata hira da aka yi da shi, a kafar talabijin, ya yi kakkausar suka ga El-Rufai, musamman kan yadda a lokacin da ya mulki jihar Kaduna, gwamnatinsa, ta kirkiro da tsauraran matakai, wanda hakan, ya haifarwa da lamarin tsaron Kaduna, cikas, musamman biyo bayan samun aukwar hare-haren, da suka yi sanadiyyar daukar rayukan wasu da ke a yankin kudancin Kaduna. Sai dai, El-rufai a martanin gaggawa da ya yi kan wannan sukar ta ministan ta hanyar lauyoyinsa, ya bai wa ministan wa’adin kwanuka bakwai da ya janye kalamansa, kan wannan sukar, tare da kuma neman yafiya, daga gun El-rufai. Kazalika, El-rufai ya kuma barazanar daukar matakin Shari’a tare da neman a biya shi diyyar Naira biliyan 10, kan bata masa suna da ministan ya yi, kan wannan sukar. Wannan batun, ya sanya masu yin rubuce-rubuce a kafafen yada labarai, yin amfani da wannan damar ta tataburzar a tsakanin jiga-jigan kasar biyu, inda hakan ke nuna cewa, wata sabuwar jan daga ce, a tsakainsu, musamman a bangaren siyasar kasar. A namu ra’ayin, wannan fafatarwa ta fatar baki kan batun, a kafar yada labara, sabawa ka’idar bangaren shari’a ne da kuma haifar da wawagegen gibi, kan kokarin da ake yi, na samar da bayanan sirri, kan lamarin kalubalen rashin tsaron kasar, da yaki ci ya kuma ki cinyewa. Idan aka baje kan wannan batun a Faifai, musamman domin a fahimci yadda lamarin yake dole ne, a yi waiwaye kan tarihin tafiyar da bangaren tsaro na Kaduna, musammana daga 2015 zuwa 2023. A lokacin tsohuwar gwamnatin El-Rufai, yankunan da ke a Kudancin Kaduna, musamman Kasuwan Magani, Kajuru, Zangon Kataf da kuma Kauru, an fuskanci yawan samun aukuwar daukar rayukan wasu mazauna wadanan yankunan, musammman, ta hanyar hare-haren ‘yan bindiga tare da kuma tarwatsa rayukan wasu da wa’kir, ta rutsa da su. Ga duk wanda ya ke a Kaduna a lokacin tsohuwar gwamnatin ta El-rufai, an ruwaito ya furta kalaman da ke kara haddasa kiyayaya da gaba, a tsakanin ‘yan jihar, musamman cika har da ikirarinsa na cewa, tsowar gwamnatinsa, ta bakado ana daukar nauyin Fulami Makiyaya na ketare, domin kisan daukar fansa, a jihar. Bugu da kari, an samu korafe-korafen yin watsi da wasu yankunan jihar, kawai domin sun soki gwamnatinsa, kan nuna rashin tausayi tare da kuma kakaba masu dokar hada fita da kuma gazawar gwamnatinsa, na cafko maharani da ke hallaka alumma a wasu yankunan na kudancin jihar. Haka zalika, an soki gwamnatinsa, kan kakabawa wasu shugabannin alumma, sarakunan gargajiya da ke a yankin, laifiin da ba su ji, ba su kuma gani ba, wanda hakan ya sanya, aka kama wasunsu tare da kuma garkame su, inda su kuma maharani, suka ci gaba da cin Karensu, babu babbaka. Tarin irin wannan, ta’asar ta tsohuwar gwamnatin Malam, ta shiga tarihi, wanda idan har an tabbatar da hakan, akwai bukatar abi wa alummar wadannan yankunan adalaci. A nan, sai dai, ba mu ji dadin yadda ministan ya soki El-rufai, a kafar gidan talabijin ba, domin duba da cewa, shi ne, babban ministan tsaron kasar, yafi dacewa, a hukuamce, ya umarci hukumomin tsaron kasar, su gudanar da cikakken bincike, maimakon yin sukar, a kafar yada labarai. Yin wannan sukar a kafar ta talabijin, ta haifar da tambayar da ke da sarkakiyar, amsawa, domin idan har gwamnatin tarayya, na da cikakkun hujojin da ke alakanta cewa, El-rufai da su, shin, me ya sa gwamnatin ba za ta bi matakan shari’a ba ko kuma ta gudanar da bincike? Duba da cewa, wannan sukar ta ministan kan El-rafi, na zuwa ne, daidai lokacin da kasar ke fuskantar zaben 2027, musamman ganin cewa, ya kasance daga bangaren adawa, sukar ta ministan, na iya haifarwa da fannin tsaron kasar matsala. Bugu da kari, sukar ta ministan na iya shafar kimar da ta yi saura ta hukumomin tsaron kasar, musamman duba da yadda darajar hukomomin tsaron kasar, ke ci gaba da zubewa a fuskar ‘yan kasar. Ra’ayin wannan Jaridar shi ne, idan har gwamnatin tarayya na da cikakkun hujoji kan zargin da take yiwa tsowar gwamnatin ta El-rufai, ba wai yin amfani da kafar yada labarai domin yanke masa hukunci ne, ya dace ba. Abinda ya yafi dacewa gwamnatin ta yi shi ne, bin matakin shari’a, idan har tana son ta hukunta El-rufai, kan wadanna zargin da take yiwa tsowar gwamnatinsa, da aikatawa. Ba girama da kimar ministan ba ne, ya siyasantar da fannin tsaron kasar ba, domin ya zamar masa wajibi, ya banbance batun siyasa da kuma lamarin da ya shafi fannin tsaro. Alummar kudancin Kaduna da kuma sauran wadanda kalubalen rashin tsaro ta yi silar rasa rayukansu da kuma tarwatsa rayuwarsu, musamman a Arewacin Nijeriya, sun cancanci, a abi matakan shari’a. domin abi masu hakkinsu, amma bai wai, a rinka siyasantar da halin da suka tsinci kansu a ciki ba. ...