An ceto wata yarinya daga baraguzan gine-gine a kudancin Turkiyya, fiye da mako guda bayan mummunar girgizar kasar da ta afku.
Miray ta shafe tsawon sa’o’i 178 – kwana bakwai da rabi.
- Canjin Kudi: Dalilin Da El-Rufai Ba Ya Ganin Girman Buhari A Yanzu – Shehu Sani
- Ina Goyon Bayan Duk ‘Yan Takarar APC Dari Bisa Dari – Buhari
Wani faifan bidiyon ya nuna ma’aikata suna murna da ihun “Allah mai girma” yayin da aka fitar da ita daga cikin wani gini.
An ceto wasu da dama a ranar Litinin, ciki har da wani yaro dan shekaru 13 da ya makale na tsawon sa’o’i 182.
Sai daj adadin wadanda suka mutu ya haura 35,000.
Wannan yana faruwa ne saboda iyakacin tsawon lokacin da jikin dan adam zai iya rayuwa ba tare da ruwa ba.
Farfesa Tony Redmond ya kuma ce sanyin da ake fama da shi a Turkiyya da Siriya yanayi ne mai karfin gaske.
Idan mutum na jin sanyi sosai, jijiyoyin jikinsa suna raguwa kuma ba lallai su dauki lokaci ba.
Ana sa ran adadin wadanda suka mutu a Turkiyya da makwabciyarta Syria zai karu sosai, yayin da babban jami’in jin kai na Majalisar Dinkin Duniya ya yi gargadin cewa zai iya ninkawa sau biyu.
Miray – yarinyar da aka ceto a ranar Litinin a birnin Adiyaman – an ceto ta tare da wasu.
Kafofin yada labarai na cikin gida sun ba da rahoton kungiyoyin da ke kasa suna fatan za a samu mahaifiyarta.
A lardin Hatay da ke fama da rikici, an ceto Kaan mai shekaru 13 bayan da ya makale na tsawon sa’o’i 182 – da kuma wata mata mai suna Naide Umay da aka samu da rai bayan sa’o’i 175.
Wannan dai na zuwa ne bayan aukuwar mummunar girgizar kasar da ta faru a Turkiyya kuma mafi muni a tarihin kasar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
