• English
  • Business News
Sunday, October 5, 2025
Leadership Hausa
Read English News
  • Gida
  • LabaraiZafi
    • Kananan Labarai
    • Daga Kasar Sin
    • Dausayin Musulunci
    • Tambarin Dimokuradiyya
    • Manyan Labarai
    • Ado Da Kwalliya
    • Bakon Marubuci
  • Wasanni
  • Siyasa
  • Labaran Kasuwanci
  • Daga Birnin Sin
  • Nishadi
  • Ra’ayi Riga
  • Taskira
  • Al’ajabi
  • Al’adu
No Result
View All Result
  • Gida
  • LabaraiZafi
    • Kananan Labarai
    • Daga Kasar Sin
    • Dausayin Musulunci
    • Tambarin Dimokuradiyya
    • Manyan Labarai
    • Ado Da Kwalliya
    • Bakon Marubuci
  • Wasanni
  • Siyasa
  • Labaran Kasuwanci
  • Daga Birnin Sin
  • Nishadi
  • Ra’ayi Riga
  • Taskira
  • Al’ajabi
  • Al’adu
No Result
View All Result
Leadership Hausa
No Result
View All Result

Gwamnatin Gombe Ta Sha Alwashin Magance Rikicin Manoma Da Makiyaya

by Yunusa Isa
2 years ago
in Labarai
0
Gwamnatin Gombe Ta Sha Alwashin Magance Rikicin Manoma Da Makiyaya
Share on FacebookShare on TwitterShare on WhatsAppTelegram

Sakataren Gwamnatin Jihar Gombe Farfesa Ibrahim Abubakar Njodi, ya bayyana cewa nan bada daɗewa ba gwamnatin jihar za ta magance rikicin manoma da makiyaya daya daɗe yana haifar da babbar barazanar tsaro a ƙasar nan.

Njoɗi ya bayyana hakan ne yayin da ya karɓi baƙuncin shugabannin tawagar aiwatar da Shirin Zamanantarwa da Bunƙasa Kiwo wato (L-PRES) yayin wata ziyara da suka kai masa a gidan gwamnati.

  • ‘Muna Cikin Fargabar Yiwuwar Ambaliyar Ruwa A Daminar Bana’
  • Sharhi: Sin Da Amurka Ba Su Bukatar Zama Abokan Gabar Juna 

Ya ce shirin wanda Bankin Duniya ke ɗaukar nauyi, an samar da shi ne sakamakon siyasantar da shirin bunƙasa kiwo na gwamnatin tarayya, wanda aka tsara da nufin zamanantar da sana’ar, saɓanin yadda ake yinta a fili sakaka, lamarin da ke haddasa rikici tsakanin manoma da makiyaya a kasar nan.

Sakataren gwamnatin ya ce duba da ɗimbin damammakin da Jihar Gombe ke da su a harkar noma da kiwo, da kuma babban gandun kiwon da ta ke da shi na Wawa-Zange, gwamnan jihar, Muhammadu Inuwa Yahaya ya ga wajibcin lalubo sabbin hanyoyin cin gajiyar arziƙin da Allah ya huwacewa jihar don amfanin al’ummarta.

Da yake yabawa tawagar bisa jajircewarta na ganin an inganta kiwon a ƙarƙashin sabon shirin da jihar ta shiga, sakataren ya koka da cewa Nijeriya ba ta cin moriyar arziƙin dabbobinta yadda ya kamata.

Labarai Masu Nasaba

Jonathan Ya Ƙaryata Batun Danganta Buhari Da Boko Haram

Jami’ar Nsukka Ta Ce Shaidar Digirin Ministan Fasaha, Uche Nnaji, Ta Bogi Ce

“Ba ma morar arziƙin dabbobin da muke da su yadda ya kamata. Babu wani abu da za a ce ya zama shara a yau, ƙasashen da suka ci gaba suna amfani da komai na dabbobi.”

“Akwai wasu hanyoyin da za mu ƙara amfana da waɗannan dabbobi ban da madara da nama; me muke yi da jinin da ke zuba a banza? Ana iya iya amfani da shi wajen yin abincin wassu dabbobin, abin da ƙasashen da suka ci gaba suke yi ke nan. Ƙashin fa me muke yi da shi?, Mai laushin kawai muke ci, mu zubar da mai taurin, za a iya amfani da shi ta wasu hanyoyin. Ina hanji da sauran kayan ciki? Wasu daga ciki kawai ake amfani da su a watsar da sauran, za a iya amfani da su a matsayin taki da sauran fa’idodi” in ji shi.

Ya ce baya ga alfanun shirin ta fuskar tattalin arzikin, L-PRES zai taimaka wajen samar da dauwamammiyar mafita ga matsalar tsaron da ta samo asali daga rikicin manoma da makiyaya a kasar nan.

Da yake yabawa tawagar aiwatar da shirin bisa jajircewarta da ya kai ta ga samun lamunin na Bankin Duniya don gudanar da shirin, Njoɗi ya buƙaci shugabannin shirin su yi watsi da duk wani nau’in alfarma ko sanayya tare da yin waje da duk wanda bai shirya bada gudummawar da za ta kai ga samun nasarar shirin ba.

Njoɗi ya yi gargaɗin cewa “Yanzu za a iya cewa kuna yi wa Bankin Duniya aiki ne, kuma shi bai san wata abota, zumunta ko dangantaka ba, abin da yake so kawai shi ne ku yi aiki a yi nasara. Don haka kar ku bamu kunya. Mun sanya hannu kan yarjejeniyar fahimtar juna da bankin, yanzu wannan shiri ya zama namu. Idan wani ya ƙi yin abin da ya kamata, ku shaida mana za mu kore shi”.

Ya buƙaci shugabannin shirin na L-PRES kar su yi ƙasa a gwiwa, su jajirce wajen ganin tattalin arzikin Jihar Gombe da na manoma da makiyaya ya bunƙasa.

Ya kuma bada tabbacin gwamnatin jihar na ci gaba da bai wa shirin haɗin kai da goyon baya don samun nasararsa.

Tun farko a jawabinsa, shugaban tawagar kuma kodinetan shirin Dokta Usman Bello Abubakar, ya ce shirin an samar da shi ne da nufin faɗaɗa harkokin noma a jihar, musamman a ɓangaren kiwo.

Ya ƙara da cewa shirin zai kuma magance rikicin manoma da makiyaya da ke ci gaba da salwantar da rayuka da dukiyoyi a jihar dama Nijeriya.

Ya ce kiwo sana’a ce mai riba wadda ke inganta tattalin arzikin ɗaiɗaikun jama’a, da na jiha da ma ƙasa baki ɗaya.

Da yake bayyana cewa Jihar Gombe ce ta uku a Nijeriya wajen cika sharuɗan samun lamunin Bankin Duniya, kodinetan ya yabawa gwamnan jihar, da kuma goyon baya da kyakkywan jagorancin da sakataren gwamnatin jihar ke bai wa tawagar.

Tawagar ta taya Gwamna Muhammadu Inuwa Yahaya murnar sake zaɓensa, da kuma Farfesa Njoɗi bisa sake naɗin da aka yi masa a matsayin sakataren gwamnatin jihar, inda ya bayyana Njoɗi a matsayin shugaba mai sauƙin kai a mu’amala kuma jagora abun koyi.


Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe

Shiga zaurenmu na WhatsApp

Tags: GombegwamnatiMakiyayaManomaRikici
ShareTweetSendShare
Previous Post

‘Muna Cikin Fargabar Yiwuwar Ambaliyar Ruwa A Daminar Bana’

Next Post

Tinubu Ya Isa Guinea-Bissau Domin Taron ECOWAS, Ya Ziyarci Sojojin Nijeriya

Related

Jonathan Ya Ƙaryata Batun Danganta Buhari Da Boko Haram
Manyan Labarai

Jonathan Ya Ƙaryata Batun Danganta Buhari Da Boko Haram

4 hours ago
Jami’ar Nsukka Ta Ce Shaidar Digirin Ministan Fasaha, Uche Nnaji, Ta Bogi Ce
Manyan Labarai

Jami’ar Nsukka Ta Ce Shaidar Digirin Ministan Fasaha, Uche Nnaji, Ta Bogi Ce

6 hours ago
Bayan Janyewar Sojojin Kamaru, Boko Haram Sun Dawo Kashe-Kashe A Borno
Labarai

Bayan Janyewar Sojojin Kamaru, Boko Haram Sun Dawo Kashe-Kashe A Borno

8 hours ago
Sojoji Sun Kama Ƴan Ta’adda 450, Sun Ceto Mutane 180 A Satumba — DHQ
Tsaro

Sojoji Sun Kama Ƴan Ta’adda 450, Sun Ceto Mutane 180 A Satumba — DHQ

11 hours ago
Gwamnatin Jigawa Ta Bai Wa  Mahaddata Ƙur’ani 200 Tallafin Karatu
Labarai

Gwamnatin Jigawa Ta Bai Wa  Mahaddata Ƙur’ani 200 Tallafin Karatu

13 hours ago
Ruwan Sama Ya Lalata Gadoji Da Hanyoyi A Taraba, Kebbi Da Filato
Labarai

Ruwan Sama Ya Lalata Gadoji Da Hanyoyi A Taraba, Kebbi Da Filato

14 hours ago
Next Post
Tinubu Ya Isa Guinea-Bissau Domin Taron ECOWAS, Ya Ziyarci Sojojin Nijeriya

Tinubu Ya Isa Guinea-Bissau Domin Taron ECOWAS, Ya Ziyarci Sojojin Nijeriya

LABARAI MASU NASABA

Me Yarjejeniyar Kawo Karshen Yakin Gaza Da Amurka Ta Tsara Ta Kunsa?

Me Yarjejeniyar Kawo Karshen Yakin Gaza Da Amurka Ta Tsara Ta Kunsa?

October 4, 2025
Firaministan Pakistan: Shugaba Xi Jinping Shugaba Ne Mai Hangen Nesa

Firaministan Pakistan: Shugaba Xi Jinping Shugaba Ne Mai Hangen Nesa

October 4, 2025
Kokarin Da ‘Yan Wasan Nijeriya Suka Yi Wajen Lashe Kyautar Ballon d’Or

Kokarin Da ‘Yan Wasan Nijeriya Suka Yi Wajen Lashe Kyautar Ballon d’Or

October 4, 2025
Jonathan Ya Ƙaryata Batun Danganta Buhari Da Boko Haram

Jonathan Ya Ƙaryata Batun Danganta Buhari Da Boko Haram

October 4, 2025
Sin Ta Yi Kira Ga Kasa Da Kasa Su Ki Amincewa Da Takunkumin Bangare Daya

Sin Ta Yi Kira Ga Kasa Da Kasa Su Ki Amincewa Da Takunkumin Bangare Daya

October 4, 2025
Kasar Sin Ta Soki Matakan Harajin Amurka “Na Ramuwa” A WTO

Kasar Sin Ta Soki Matakan Harajin Amurka “Na Ramuwa” A WTO

October 4, 2025
Jami’ar Nsukka Ta Ce Shaidar Digirin Ministan Fasaha, Uche Nnaji, Ta Bogi Ce

Jami’ar Nsukka Ta Ce Shaidar Digirin Ministan Fasaha, Uche Nnaji, Ta Bogi Ce

October 4, 2025
Jami’in MDD: Shawarar GGI Za Ta Jagoranci Duniya Zuwa Samun Kyakkyawar Makoma Mai Cike Da Adalci

Jami’in MDD: Shawarar GGI Za Ta Jagoranci Duniya Zuwa Samun Kyakkyawar Makoma Mai Cike Da Adalci

October 4, 2025
Nijeriya Ta Samu Kwarin Gwiwar Zuwa Kofin Duniya

Nijeriya Ta Samu Kwarin Gwiwar Zuwa Kofin Duniya

October 4, 2025
Bayan Janyewar Sojojin Kamaru, Boko Haram Sun Dawo Kashe-Kashe A Borno

Bayan Janyewar Sojojin Kamaru, Boko Haram Sun Dawo Kashe-Kashe A Borno

October 4, 2025
Talla

© 2025 Leadership Media Group - All Right Reserved.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • Gida
  • Labarai
    • Manyan Labarai
    • Kananan Labarai
    • Masarautu
    • Bakon Marubuci
    • Dausayin Musulunci
    • Daga Kasar Sin
    • Nishadi
    • Noma Da Kiwo
    • Sana’a Sa’a
    • Tambarin Dimokuradiyya
    • Taskira
    • Daga Birnin Sin
    • Ado Da Kwalliya
  • Siyasa
  • Wasanni
  • Al’adu
  • Al’ajabi
  • Labaran Kasuwanci
  • Karanta cikin Turanci

© 2025 Leadership Media Group - All Right Reserved.