Gwamnatin jihar Kano ta samu gudunmawar motocin kashe gobara na zamani guda biyu daga gwamnatin tarayya domin taimakawa wajen magance bala’o’i gobara a jihar.
Gwamnan jihar Kano, Abba Kabir Yusuf, a lokacin kaddamar da motocin da hukumar kashe gobara ta tarayya ta ware wa jihar, ya nuna jin dadinsa ga gwamnatin tarayya kan mikawa jihar motocin.
- Bude Iyakokin Nijeriya Da Nijar: NIS Ta Dage Takunkumin Shige Da Fice
- Bai Kamata A Yi Amfani Da Ma’auni Biyu Kan Batun Kare Hakkin Dan Adam Ba
Gwamnan ya kuma bayar da tabbacin cewa, za a yi amfani da su ta hanyar da ta dace, inda ya kara jaddada gagarumin muhimmanci da alfanun da motocin ke da shi ga al’ummar jihar wajen inganta tsaron dukiyoyin al’ummar jihar.
Mai magana da yawun gwamnan, Sanusi Dawakin Tofa, a cikin wata sanarwa da ya raba wa manema labarai a ranar Alhamis, ya bayyana cewa, gwamnan ya karbi tallafin ne daga hannun Kwanturola na hukumar kashe gobara ta jihar Kano.
Daga nan, Dawakin Tofa ya mika godiyar Gwamnan bisa wannan karamcin, sannan ya kara da cewa, gwamnan ya yi alkawarin samar da kayayyakin da suka dace don tallafawa Hukumar domin gudanar da ayyukanta yadda ya kamata.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
