Gwamnatin Zamfara Ta Ware Naira Biliyan 1 Don Fadada Aikin Ruwan Sha A Gusau

A halin yanzu gwanatin Jihar Zamfara ta fitar da Naira Biliyan 1 don aikin gyara da fadada aikin samar da ruwan sha a garin Gusau.

Kwamishinan albarkatun ruwa, Alhaji Ibrahim Mayana, ya sanar da haka a lokacin da mataimakin gwamnan jihar Sanata Hassan Nasiha, ya kai ziyara ta musamman ma’aikatar ruwa don gane wa kansa yadda aikin yake tafiya.

• Hajjin Bana: Matawalle Ya Nada Kakakin Majalisar Zamfara Amirul Hajji

Kwamishinan ya kara da cewa, bayan karancin ruwan da aka fuskanta a garin Gusau da kewaye, gwamnati ta karfafa tabbatar da an fuskanci aikin gyara da fadada aikin samar da ruwan sha.

A jawabinsa, mataimakin gwamnan, ya nuna gamsuwarsa da yadda aikin yake tafiya, ya kuma jaddada kudurin Gwamnan Jihar Bello Matawalle na tabbatar da an kawo karshen matsalar ruwan da ake fusanta a garin Gusau da kewaye.