• English
  • Business News
Wednesday, May 14, 2025
Leadership Hausa
Read English News
  • Gida
  • LabaraiZafi
    • Kananan Labarai
    • Daga Kasar Sin
    • Dausayin Musulunci
    • Tambarin Dimokuradiyya
    • Manyan Labarai
    • Ado Da Kwalliya
    • Bakon Marubuci
  • Wasanni
  • Siyasa
  • Labaran Kasuwanci
  • Daga Birnin Sin
  • Nishadi
  • Ra’ayi Riga
  • Taskira
  • Al’ajabi
  • Al’adu
No Result
View All Result
  • Gida
  • LabaraiZafi
    • Kananan Labarai
    • Daga Kasar Sin
    • Dausayin Musulunci
    • Tambarin Dimokuradiyya
    • Manyan Labarai
    • Ado Da Kwalliya
    • Bakon Marubuci
  • Wasanni
  • Siyasa
  • Labaran Kasuwanci
  • Daga Birnin Sin
  • Nishadi
  • Ra’ayi Riga
  • Taskira
  • Al’ajabi
  • Al’adu
No Result
View All Result
Leadership Hausa
No Result
View All Result

Harin Ramuwar Gayyar Iran: Isra’ila Na Cikin Tsaka Mai Wuya

by Rabi'u Ali Indabawa
1 year ago
in Kasashen Ketare
0
Harin Ramuwar Gayyar Iran: Isra’ila Na Cikin Tsaka Mai Wuya
Share on FacebookShare on TwitterShare on WhatsAppTelegram

Duniya ta dau dimi dangane da hari na farko da Kasar Iran ta kai wa Isra’ila a matsayin ramuwar gayya bayan Iran ta zargi kasar ta Yahudu da kai harin bama-bbamai da ya kashe mata manyan janar na soja da wasu kananan dakaru a ofishin jakadancinta da ke Siriya.

Hankulan kasashe sun karkata ga yadda za a shawo kan rikicin da ke neman barkewa tsakanin Iran da Isara’ila wanda ake ganin zai kara tagayyara halin da yankin gabasa ta tasakiya yake ciki na tashe-tashen hankula.

  • Sauyin Yanayi: Dabarun Da  Za Su Taimaka Wa Masu Kiwon Kifi
  • Wani Mutum Ya Mutu Bayan Ya Cinna Wa Kansa Wuta A Yayin Da Ake Shari’ar Trump

Rahotanni sun tabbatar da cewa Iran ta kai harin ne a ranar Asabar da dare tare da jirage marasa matuka da makamai masu linzami akalla 300 wanda Isra’ilar ta yi ikirarin cewa ta samu nasarar tarwatsa kusa kashi 90 na adadinsu kafin su kai ga fadawa kasarta bisa amfani da na’urorin tsaron sararin samaniya bisa goyon bayan Amurka da Birtaniya.

Amma kuma Babban Hafsan Sojojin Iran, Manjo Janar Abdolrahim Mousabi ya ce harin na Iran ya samu gagarumar nasarar da ake bukata, kana ya ce ba za su ci gaba da kai sabbin hare-hare ba amma da Zarar Isra’ila ta yi gangancin cewa za ta rama, to kilu za ta jawo bau.

Harin da Iran ta kai wa Isra’ila ya haifar da zaman dar-dar a yanking abas ta tsakiya fiye da yadda aka gani tun farkon fara yakin Isra’ila da Hamas a watan Oktoba, yayin da Washington ke neman daukar matakan diflomasiyya domin sassauta rikicin yankin.

Labarai Masu Nasaba

China Da Amurka Sun Yarda Da Rage Harajin Kayayyakinsu Domin Sasanta Rikicin Kasuwanci

Isra’ila Ta Yi Barazanar Kai Hare-Hare Kan Iran Kamar Hamas Da Hezbollah

An bayar da rahoton cewa, wata yarinya kawai ta samu rauni a Kudancin Isra’ila, sannan kuma makami mai linzami ya afka wa wani a sansanin sojin Isra’ila, wanda bai yi wata barna ta a zo a gani ba.

Mona Yacoubian, Mataimakiyar Shugabar Cibiyar Nazarin Zaman Lafiya ta Amurka A Yankin Gabas da Arewacin Afirka USIP, ta ce Iran ta yi nasarar mayar da martani a game da harin da aka kai Damascus.

“Dukkansu (Iran da Isra’ila) a wannan lokacin na iya yin ikirarin nasara, sannan kuma za su iya sauka daga dokin zuciyar da suke kai, musamman domin ganin an ceto fararen hular Isra’ila.”

Masu tsattsauran ra’ayi na Isra’ila sun matsa kaimi kan mayar da martani, amma wasu sun ba da shawarar kamewa, suna masu cewa kamata ya yi Isra’ila ta mai da hankali kan karfafa cudanya da abokan huldarta na Larabawa.

“Za mu kafa rundunar hadin gwiwa a yankin domin mayar da martini ga Iran a lokacin da ya dace da mu,” in ji Benny Gantz, mamba na Majalisar Dinkin Duniya.

Manazarta sun ce Iran ta aike da sakon cewa za ta kara sauya ka’idojinta na yaki da Isra’ila matukar ta ce za ta mayar da martani.

Magnus Ranstorp, Mai Ba Da shawara Kan Dabaru a Jami’ar Nazarin Tsaro ta Sweden ya ce “Harbin wadannan makamai na Iran gargadi ne, yana ami cewa idan kuma Isra’ila ta kuskura ta karya doka, to fa sakamakon da zai biyo baya ba mai kyau ba ne.”

Sai dai Iran ta ce ba ta neman barkewar yaki a yankin. Ministan Harkokin Wajen Kasar Hossein Amirabdollahian ya fada cikin wani sakon da ya wallafa a shafin D, ko kuma Tuwita, cewa Iran ba ta da niyyar ci gaba da gudanar da wannan aiki na kare kanta a wannan lokaci sai dai idan an kai mata hari.

Iran ta jaddada cewa ta kai hari kan cibiyoyin Isra’ila da ke da hannu a harin Damascus, ba a kan farar hula ko “yankunan tattalin arziki ba.”

Bayan da Isra’ila ta fara kai hare-hare a Gaza kan Hamas, kungiyoyin da Iran ke mara wa baya sun yakin. Kungiyar Hizbullah ta kasar Lebanon ta harba rokoki zuwa Arewacin Isra’ila. ‘Yan tawayen Houthi na Yamen sun kai hari kan jiragen ruwa na Yammacin Turai a Tekun Bahar Maliya.

Wata tawagar mayakan sa kai na Iraki da ke samun goyon bayan Iran ta kai hari kan sansanonin sojojin Amurka a Iraki da Siriya.

Da alama Isra’ila ta hakura da daukar matakin soji domin ba ta da goyon bayan haka a tsakanin kawayenta ciki har da Amurka, in ji Eldad Shabit, wanda ke jagorantar shirin Bincike na Cibiyar Fasahar Isra’ila A Kan Tsaro ta Kasa.

Kakakin fadar White House John Kirby ya shaida wa NBC cewa Shugaba Joe Biden ba ya kaunar ganin tabarbarewar tsaro a yankin ko kuma “yaki mai tsanani” da Iran, kuma hakan ya nuna yana “aiki a bangaren diflomasiyya da kansa.”

An gudanar da tarukan gaggawa na G7 – taron kasashe masu ci gaban masana’antu da suka hada da Amurka, Birtaniya, da Faransa – da kuma Kwamitin Tsaro na Majalisar Dinkin Duniya.

Mahalarta taron na G7 a cikin wata sanarwa da suka fitar sun yi tir da harin na Iran, suna masu cewa “a shirye muke mu dauki karin matakai a yanzu da kuma mayar da martani ga ci gaba da shirye-shiryen hargitsa zaman lafiya.”

Wasu masu alaka da Kungiyar Marubuta ‘Yan Jarida Josef Federman a Urushalima, Abby Sewell a Beirut, Amir Bahdat a Tehran da Thomas Adamson a Paris sun ba da gudummawa ga wannan rahoton.

Amurka Ta Kwaye Wa Isra’ila Baya

A yayin da Isra’ila ke nazarin yadda za ta mayar da martani kan harin da Iran ta kai mata a karshen mako, Amurka ta kwaye mata baya yayin da ta bayyana cewa babu ruwanta idan har kasar ta zabi daukar fansa ta hanyar soji.

Sakon na Amurka da ba a saba ganin irinsa kan babbar aminiyarta da ta ke bai wa taimakon soji fiye da kowace kasa a duniya, ta ce ba za ta shiga rikicin Iran da kuma Isra’ila ba.

Bayan watanni da Isra’ila ta yi na daukar fansa a Gaza, duk da suka daga Amurka da sauran kawayenta da ke cewa ayyukan sojinta sun wuce gona da iri.

Gwamnatin Biden ta bayyana karara cewa, tana tsoron yaki mafi girma ya barke a Gabas ta Tsakiya.

“Mun yi imanin Isra’ila na da ‘yancin daukar mataki don kare kanta, amma wannan wani salo ne na siyasa,” in ji wani babban jami’in fadar White House ga manema labarai jim kadan bayan kawo karshen harin na Iran. ”

Da wani dan jarida ya tambaye shi ko Amurka za ta taimaka wa Isra’ila wajen tunkarar hare-haren soji, nan take ya ce a’a.

Amurka ta ce tuni ta isar da wannan sakon kai tsaye ga manyan jami’an Isra’ila a wata ganawar sirri ta wayar tarho da ta gudana tsakanin sakataren tsaro Lloyd Austin da ministan tsaron Isra’ila Yoab Gallant.

Harin da Iran ta kai kan Isra’ila da yammacin ranar Asabar ya sha kakkausar suka daga shugabannin duniya, ciki har da jami’an Amurka wadanda da farko suka yi tunanin kasar ta yi amfani da makamai masu linzami guda 12.

Harin dai, Iran ta kira shi a matsayin ramuwar gayya bayan harin da Isra’ila ta kai ofishin jakadancinta da ke Damascus na Kasar Syria.

Kasar Sin Ta Yi Tir Da Harin Ofishin Jakadancin Iran A Siriya

Ministan Harkokin Wajen Kasar Sin Wang Yi da takwaransa na kasar Iran Hossein Amir-Abdollahian sun tattauna ta wayar tarho a ranar 16 ga watan Afrilu dangane da takun saka tsakanin Isra’ila da Iran.

Sashen Hausa na CGTN, ya ruwaito cewa, Amir-Abdollahian ya bayyana wa Wang matsayin Iran kan harin da aka kai a sashin karamin ofishin jakadancin Iran a Birnin Damascus na Kasar Syria. Yana mai cewa kwamitin sulhu na Majalisar Dinkin Duniya bai bayar da martanin da ya dace kan wannan harin ba, kuma Iran na da hakkin kare kanta, a matsayin mayar da martani ga take hakkinta.

Amir-Abdollahian ya ce, halin da yankin ke ciki a halin yanzu yana da matukar muhimmanci, kuma Iran a shirye take ta kai zuciya nesa, kuma ba ta da niyyar kara ta’azzara lamarin.

A nasa bangaren kuwa, Wang ya ce, kasar Sin na matukar yin Allah wadai da kakkausar murya kan harin da aka kai kan sashin karamin ofishin jakadancin Iran da ke Damascus, tare da mai da shi a matsayin babban cin zarafin dokokin kasa da kasa, kuma ba za a amince da hakan ba.

Kasar Sin ta lura da furucin na Iran na cewa matakin da ta dauka yana da iyaka, kuma wani mataki ne na kariyar kai a matsayin martani ga harin da aka kai kan karamin ofishin jakadancin Iran a Syria, a cewar Wang.

Ya kara da cewa, an yi imanin cewa Iran za ta iya tafiyar da lamarin yadda ya kamata, tare da kiyaye zaman lafiya a yankin da kare ikonta da martabarta.

A wannan rana, Wang Yi ya kuma tattaunawa ta wayar tarho da takwaransa na kasar Saudiyya Faisal bin Farhan Al Saud, game da halin da ake ciki a yankin Gabas ta Tsakiya, da kuma alakar Sin da Saudiyya.

Ra’ayoyin Kasashen Duniya

Duniya ta kira taron gaggawa domin nazari a kan hare-haren da Iran ta kai wa Isra’ila na ramuwar gayya, yayin da kasashen duniya ke bayyana damuwa dangane da barazanar barkewar yaki a tsakanin kasashen biyu.

Sakatare Janar na majalisar Dinkin Duniya, Antonio Guterres, ya bayyana damuwa dangane da barazanar tabarbarewar al’amura a yankin gabas ta tsakiya.

Ma’aikatar harkokin wajen kasar Sin ta bayyana matukar damuwa game da tabarbarewar yanayin da ake ciki , ta kuma yi kira ga sassa masu ruwa da tsaki da su kwantar da hankula domin kauce wa sake ta’azzara yanayin zaman dar-dar da ake ciki.

Ma’aikatar ta ce kara tabarbarewar lamura, alama ce ta mummunan tasirin rikicin Gaza na baya-bayan nan, don haka abu mafi muhimmaci a yanzu shi ne maida kai wajen aiwatar da kudurin kwamitin tsaron Majalisar Dinkin Duniya mai lamba 2728, da gaggauta kawo karshen rikicin Gaza.

A daya bangaren kuma, Sin ta yi kira ga sassan kasa da kasa, musamman kasashen da ka iya yin tasiri a lamarin, da su taka kyakkyawar rawa wajen kare zaman lafiya da daidaito a yankin.

Shugabar gudanarwar kungiyar kasashen Turai, Ursula bon der Leyen ta bukaci Iran da ta gaggauta tsagaita wuta da kuma kiran kasashen da su tsagaita wuta tare da aiki tare domin tabbatar da zaman lafiya.

Sakatare Janar na kungiyar kawancen tsaro ta NATO, Jens Stoltenberg ya ce sun yi Allah-wadai da abin da ya kira matakin na Iran, yayin da suke ci gaba da sanya ido a kan abin da ke faruwa.

Firaministan Birtaniya, Rishi Sunak da takwaransa na Canada Justin Trudeau duk sun bayyana harin na Iran a matsayin na rashin hankali inda suka sake jaddada goyan bayansu ga Isra’ila.

Ita kuwa Rasha da Saudiyya duk sun yi kira ne a kai zuciya nesa tare taka-tsan-tsan, kamar yadda ita ma Katar ta bukaci manyan kasashen duniya su dauki matakin kwantar da hankalin bangarorin.

Sakamakon rashin samun goyon bayan Amurka kan mayar wa Iran martanin soji, a halin yanzu wasu na ganin Isra’ila ta shiga tsaka mai wuya saboda shugabanninta na samun matsin lamba a cikin gida na dawo da wadanda Hamas take garkuwa da su sannan ga zafin rashin samun goyon bayan daukar matakin soji a kan Iran kana ga tabarbarewar alaka a tsakaninta da wasu kasashen Larabawa masu makwabtaka da ita.


Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe

Shiga zaurenmu na WhatsApp

ShareTweetSendShare
Previous Post

Hauhawar Farashi Ta Sake Jefa ‘Yan Nijeriya Miliyan 10 Cikin Talauci – Bankin Duniya

Next Post

Malama Duan Yiruo: Yadda Ake Taimakawa Matasan Afirka Wajen Fahimtar Al’adun Kasar Sin

Related

China Da Amurka Sun Yarda Da Rage Harajin Kayayyakinsu Domin Sasanta Rikicin Kasuwanci
Kasashen Ketare

China Da Amurka Sun Yarda Da Rage Harajin Kayayyakinsu Domin Sasanta Rikicin Kasuwanci

20 hours ago
Isra’ila Ta Yi Barazanar Kai Hare-Hare Kan Iran Kamar Hamas Da Hezbollah
Kasashen Ketare

Isra’ila Ta Yi Barazanar Kai Hare-Hare Kan Iran Kamar Hamas Da Hezbollah

6 days ago
Nijar Ta Soke Yarjejeniyar Tattara Bayanai Da Rasha Da Turkiyya, Ta Fara Neman Sabbin Abokan Hulɗa
Kasashen Ketare

Nijar Ta Soke Yarjejeniyar Tattara Bayanai Da Rasha Da Turkiyya, Ta Fara Neman Sabbin Abokan Hulɗa

7 days ago
Saudiyya Ta Tanadi Hukunci Mai Tsanani Ga Masu Yin Aikin Hajji Babu Takardun Izini
Kasashen Ketare

Saudiyya Ta Tanadi Hukunci Mai Tsanani Ga Masu Yin Aikin Hajji Babu Takardun Izini

1 week ago
Mataimakin Shugaban Ƙasa Zai Wakilci Nijeriya A Rantsar Da Shugaban Gabon
Kasashen Ketare

Mataimakin Shugaban Ƙasa Zai Wakilci Nijeriya A Rantsar Da Shugaban Gabon

2 weeks ago
Abubuwan Da Na Gani A Yankin ‘Hero Bay’ Da Ke Cikin Kasar China
Ilimi

Abubuwan Da Na Gani A Yankin ‘Hero Bay’ Da Ke Cikin Kasar China

2 weeks ago
Next Post
Malama Duan Yiruo: Yadda Ake Taimakawa Matasan Afirka Wajen Fahimtar Al’adun Kasar Sin

Malama Duan Yiruo: Yadda Ake Taimakawa Matasan Afirka Wajen Fahimtar Al’adun Kasar Sin

LABARAI MASU NASABA

Binciken Jin Ra’ayoyi Na CGTN: Ma’aikatar Harkokin Wajen Sin Ta Ce Harajin Fentanyl Ya Gurgunta Hadin Gwiwar Amurka Da Sin Kuma Fiye Da Kashi 90% Na Jama’a Sun Koka Da “Jarabar” Amurka Ta Cin Zarafi

Binciken Jin Ra’ayoyi Na CGTN: Ma’aikatar Harkokin Wajen Sin Ta Ce Harajin Fentanyl Ya Gurgunta Hadin Gwiwar Amurka Da Sin Kuma Fiye Da Kashi 90% Na Jama’a Sun Koka Da “Jarabar” Amurka Ta Cin Zarafi

May 13, 2025
Tsaro: Gwamna Lawal Ya Raba Motoci 140 Ga Jami’an Tsaro A Zamfara 

Tsaro: Gwamna Lawal Ya Raba Motoci 140 Ga Jami’an Tsaro A Zamfara 

May 13, 2025
Sin Tana Kara Kwatar Wa Kasashe Masu Tasowa ’Yanci

Sin Tana Kara Kwatar Wa Kasashe Masu Tasowa ’Yanci

May 13, 2025
Masarautar Saudiyya Ta Raba Magunguna Kyauta Ga Masu Matsalar Ido A Jihar Yobe

Masarautar Saudiyya Ta Raba Magunguna Kyauta Ga Masu Matsalar Ido A Jihar Yobe

May 13, 2025
Hadin Kai Da Cin Moriya Tare Ne Hanya Mafi Dacewa Wajen Daidaita Matsalar Dake Tsakanin Sin Da Amurka

Hadin Kai Da Cin Moriya Tare Ne Hanya Mafi Dacewa Wajen Daidaita Matsalar Dake Tsakanin Sin Da Amurka

May 13, 2025
Rashin Tsaro: Majalisar Dattawa Ta Bukaci Sake Tura Sojoji Cikin Gaggawa Zuwa Borno Da Yobe

Rashin Tsaro: Majalisar Dattawa Ta Bukaci Sake Tura Sojoji Cikin Gaggawa Zuwa Borno Da Yobe

May 13, 2025
Shugaban Kasar Sin Xi Jinping Ya Tattauna Da Takwaransa Na Kasar Brazil

Shugaban Kasar Sin Xi Jinping Ya Tattauna Da Takwaransa Na Kasar Brazil

May 13, 2025
Majalisa Ta Yi Watsi Da Ƙudirin Dokar Karɓa-karɓa A Kujerar Shugaban Ƙasa A Tsakanin Shiyyoyin Nijeriya

Majalisa Ta Yi Watsi Da Ƙudirin Dokar Karɓa-karɓa A Kujerar Shugaban Ƙasa A Tsakanin Shiyyoyin Nijeriya

May 13, 2025
An Nuna Fasahar Waken Pingtan Na Kasar Sin A Najeriya

An Nuna Fasahar Waken Pingtan Na Kasar Sin A Najeriya

May 13, 2025
Gwamnan Zamfara Ya Raba Katin ATM Ga Mutane 400,000 Da Suka Ci Gajiyar Shirin ‘Cash Transfer’ A Jihar

Gwamnan Zamfara Ya Raba Katin ATM Ga Mutane 400,000 Da Suka Ci Gajiyar Shirin ‘Cash Transfer’ A Jihar

May 13, 2025
Talla

© 2025 Leadership Media Group - All Right Reserved.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • Gida
  • Labarai
    • Manyan Labarai
    • Kananan Labarai
    • Masarautu
    • Bakon Marubuci
    • Dausayin Musulunci
    • Daga Kasar Sin
    • Nishadi
    • Noma Da Kiwo
    • Sana’a Sa’a
    • Tambarin Dimokuradiyya
    • Taskira
    • Daga Birnin Sin
    • Ado Da Kwalliya
  • Siyasa
  • Wasanni
  • Al’adu
  • Al’ajabi
  • Labaran Kasuwanci
  • Karanta cikin Turanci

© 2025 Leadership Media Group - All Right Reserved.