A jiya Laraba ne Elisha Matambo, babban jami’in gwamnatin kasar Zambiya ya yabawa kasar Sin bisa bayar da horo mai zurfi a fannin inganta harkokin jagoranci da tsare-tsare na sassan tattalin arziki ga manyan jami’an gwamnatin kasar Zambiya.
Elisha Matambo, wanda shi ne ministan lardin Copperbelt, kuma daya daga cikin ministoci da sakatarorin dindindin da aka baiwa wannan horo kwanan nan a kasar Sin, ya nuna godiya ga gwamnatin kasar Sin da shirya shirin.
- Sin A Shirye Take Ta Yi Aiki Da Dukkanin Sassa Da Nufin Daga Martabar BRI Zuwa Babban Matsayi
- Sin Ta Bukaci WTO Ta Samar Da Majalisar Kwararru Masu Shiga Tsakani Game Da Takaddama Da Amurka Game Da EVs Masu Rangwame
Ya ce jamian za su yi amfani da dimbin ilimin da suka samu a lokacin horaswar domin inganta gudanar da ayyuka a maaikatu da larduna daban-daban na gwamnati.
A cewar jamiin a sakonsa da ya wallafa a shafinsa na Facebook, “Mun yi farin ciki da cewa, horo mai zurfi da muka samu a kasar Sin yana daidai da digiri na biyu a fannin jagoranci da samar da arziki wanda a halin yanzu muke yi a nan kasar Zambiya, kuma za a yaye mu nan ba da jimawa ba.” (Mai fassara: Yahaya)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
