Jam’iyyar APC Ta Lashe Duka Kujerun Ƙananan Hukumomin Yobe

Jam’iyyar APC ta samu gagarumar nasara a zaɓen ƙananan hukumomin Jihar Yobe, inda ta lashe dukkan kujerun shugabanni da kansiloli. Shugaban Hukumar Zabe Mai Zaman kanta ta Jihar Yobe Dakta Mamman Muhammad ne ya sanar da sakamako a shelƙwatar hukumar da ke Damaturu a yau Lahadin.

Zaɓen da aka gudanar a jiya Asabar, ya nuna tasirin jam’iyyar a jihar, domin duk wata kujera da aka yi takara a zaɓukan ƙananan hukumomi ƴan takarar jam’iyyar APC suka lashe. Kana kuma yana nuni da irin ƙalubalen da ke gaban jam’iyyun adawa kafin su iya amshi ragamar jihar.

• Jihar Yobe Ta Kashe Naira Miliyan ₦179 Wajen Tallafawa Mahajjata 1,332
• Jihar Yobe Ta Kashe Naira Miliyan ₦179 Wajen Tallafawa Mahajjata 1,332

Duk da ana ta kira a mayar da zaben ƙannanan hukumomi ya koma ƙarƙashin gwamnatin tarayya sakamakon zargin danniya da ake yi gami da magudi ga jam’iyyun adawa.