Shahararriyar jarumar nan ta masana’antar Nollywood da ke kudancin Nijeriya, Ada Ameh ta rasu.
Ta rasu ne a garin Warri da ke jihar Delta da misalin karfe 11 na daren jiya Lahadi, kamar yadda wata majiya da ta nemi a sakaya sunanta ta bayyana a safiyar yau Litinin.
- Yakubu Maikyau Ya Zama Sabon Shugaban Lauyoyi (NBA) Na Kasa
- Tarayyar Turai Za Ta Yi Nazari Kan Lafta Wa Rasha Karin Takunkumai
An ce Amah ta fadi ne kwatsam lokacin da ta je wani kamfanin man fetur.
An tattaro cewa an garzaya da ita asibitin kamfanin man fetur na Nijeriya amma ta rasu kafin a isa wurin.
An tattaro cewa jaruman Nollywood da dama ne su ka rika tururuwa da safiyar yau Litinin don ganin gawar ta Ameh.
Ameh, wacce ta fito a matsayin Anita a cikin fim din ‘Domitilla’ a shekarar 1996, ta shahara da yin fina-finan barkwanci, musamman a cikin shirin nan na barkwanci mai dogon zango, ‘The Johnsons’, inda ta ke fitowa da sunan Emuh.
