Jirgin Kasan Kaduna-Abuja Ya Dawo Aikin Jigilar Fasinjojinsa Bayan Hatsarin Da Ya Yi

Hukumar kula da layin jirgin kasa ta Nijeriya (NRC) ta sanar da dawo da zirga-zirgar jirgin fasinjoji daga Abuja zuwa Kaduna bayan dakatarwar da aka yi a ranar Juma’a.

Daraktan ayyuka na hukumar, Mista Niyi Alli, a cikin wata sanarwa, ya ce, jirgin zai fara jigilar ne a ranar 31 ga watan Janairu.

• Jirgin Sama Kirar Kasar Sin Samfurin C919 Ya Tashi A Karon Farko Cikin Sabuwar Shekarar Zomo

“Hukumar Kula da Jiragen Kasa ta Nijeriya suna farin cikin sanar da dawowa da jigilar fasinjoji na jirgin kasan Abuja zuwa Kaduna.

“An dakatar da jigilar ne a ranar 27 ga watan Janairu, sabida sauka da jirgin ya yi akan layinsa a tashar Kubwa a wannan ranar.

“Jirgin zai cigaba da jigilar fasinjoji a ranar 31 ga Janairu, jadawalin yau da kullun – KA2 zai tashi daga tashar Rigasa da misalin karfe 07:00 na safe; AK1 zai tashi daga tashar Idu da karfe 10:00 na safe; KA4 zai tashi daga tashar Rigasa da misalin karfe 1:00 na rana; AK3 zai tashi daga tashar Idu da misalin karfe 4:00 na yamma.

“Sai dai a ranar Laraba, KA2 ne kawai zai tashi daga tashar Rigasa da misalin karfe 07:00 na safe, AK 3 zai tashi daga tashar Idu da misalin karfe 4:00 na yamma,” in ji Alli.

Sulaiman

+ postsBio

• Sulaiman

  Sabbin Ra’ayoyin Ci Gaba: Manufofin Zamani Na Zamanantarwa
• Sulaiman

  Ana Gudanar Da Taron Masana Ilmin Harkokin Kasar Sin Karo Na Uku
• Sulaiman

  Sin: Ya Kamata Tarayyar Turai Ta Dubi Huldar Tattalin Arziki Da Ciniki Tsakaninta Da Sin Bisa Daidaito
• Sulaiman

  An Gudanar Da Taron “Tattaunawar Magadan Garuruwa Na Duniya Na 2026” A Birnin Beijing