Kotun Soji Ta Yanke Wa Manjo Janar Mohammed Hukuncin Daurin Shekaru 7 A Gidan Yari

Kotun Sojoji da ke zamanta a Abuja, a ranar Talata, ta yanke wa Manjo Janar U. M. Mohammed hukuncin daurin shekaru bakwai a gidan yari.

Shugaban kotun sojin, Manjo Janar James Myam, ya samu babban hafsan sojin da laifuka 14 cikin 18 da ake tuhumarsa da aikata wa.

• Rundunar Sojin Ruwa Ta Kama Kwale-kwale Da Muggan Kwayoyin Miliyan N200 A Legas
• Za Mu Sauya Salon Yaƙi Da Ta’addanci – Hafsan Hafsoshin Soji

Babban hafsan da aka yankewa hukuncin zai mayar da dalar Amurka $217,900 da kuma Naira Biliyan N1.65bn ga kamfanin da ke kula da kadarorin rundunar sojin Nijeriya.

Hukuncin zai tabbata ne in kwamitin majalisar sojin ta zartar da hukuncin.