Kasa da wata guda da wata kwantena akan babbar mota da ta fado ta kashe mutum daya a kan titin Apapa-Oshodi, wata kwantena mai tsayin 20ft da ta fito daga tashar ruwan Apapa ta nufi zangonsu, ta fada kan wata motar bas ta kasuwanci (Danfo) inda ta kashe mutane takwas a motar bas ta Ojuelegba a ranar Lahadi a Legas.
A cikin wata sanarwa da babban sakatare na hukumar bayar da agajin gaggawa ta jihar Legas, LASEMA, Dr Olufemi Oke-Osanyintolu ya fitar, ya ce an ceto mutum daya da ransa.
A cewarsa, motar bas din tana daukar fasinjoji ne a lokacin da kwantenar ta fada kan motar bas din, inda ta kashe mutane shida da yara biyu.
Sai dai shugaban hukumar ta LASEMA ya bayyana cewa rundunar ‘yan sandan Nijeriya za ta ci gaba da gudanar da bincike kan dalilin kawar da shingayen da aka yi a kan gadar da nufin hana manyan motocin hawa gadar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
