Mace Ta Zama Shugabar Ƙaramar Hukuma A Kano

Hukumar zaɓe mai zaman kanta ta jihar Kano (KANSIEC) ta bai wa waɗanda suka yi nasara a zaɓen ƙananan hukumomi takardar shaidar lashe zaɓe.

Shugaban KANSIEC, Farfesa Sani Malumfashi, ne ya gabatar da takardun ga sabbin shugabannin ƙananan hukumomi guda 44.

• Zaben Kananan Hukumomi Ya Bar Baya Da Kura A Wasu Jihohi
• NNPP Ta Lashe Zaben Kananan Hukumomi A Kano

Daga cikin sabbin shugabannin akwai Sa’adatu Yushau Tudunwada, wata matashiya da aka zaɓa a matsayin shugabar ƙaramar hukumar Tudunwada.

A jawabin da ta gabatar, Sa’datu ta yi alƙawarin tabbatar da adalci ga kowa a yankin da take shugabanta, ba tare da la’akari da bambancin jam’iyya ba.