Kungiyar kwallon kafa ta Manchester United ta kai tayin kudi har fam miliyan 51 domin sayan dan wasan tsakiyar Barcelona, Frankie De Jong, wanda sabon kociyan kungiyar Erik Ten Hag, ya bayyana cewa yanaso yayi aiki tare dashi a Manchester United.
De Jong dai da Ten Hag sunyi aiki tare a kungiyar kwallon kafa ta Ajax kafin daga baya Barcelona ta sayi matashin dan wasan akan kudi kusan fam miliyan 75.
A kwanakin baya wasu rahotanni sun bayyana cewa Dembele bayason barin Barcelona domin yana ganin zai ci gaba da samun damar buga wasa sai dai sakamakon matsalar rashin kudin da kungiyar take fama dashi yasa dole sai ta sayar da wani babban dan wasa domin itama ta samu damar sayan wasu daga cikin ‘yan wasan da take zawarci.
A cewar rahotanni daga kasar Sipaniya, Manchester United ta kai tayin kudi fam miliyan 51 da Karin kudin tsarabe-tsarabe na fam miliyan 17, tayin da ake ganin Barcelona zata iya amincewa dashi ta sallama dan wasan dan kasar Holland.
Idan har De Jong ya amince da komawa Manchester United, zai askance dan wasa na farko da sabon kociyan kungiyar ya saya sannan kuma zai sake haduwa da tsohon abokin wasansa, Donny Van de Beek, wanda shima yake Manchester United yanzu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
