Manchester United Ta Kammala Daukar Leny Yoro Daga Lille

Leny Yoro ya rattaba hannu kan kwantiragin shekaru 5 a matsayin sabon dan wasan Manchester United. 

Leny Yoro ya rattaba hannu kan kwantiragi a Man United yayin da kulob din da ke buga gasar Premier ya sanar da siyan Yoro akan Yuro miliyan 62.

• Gwamnatin Kaduna Ta Nisanta Kanta Akan Bidiyon Dukan Dan Balki Kwamanda
• Tinubu Ya Aike Wa Majalisa Takardar Neman Kara N6.2trn A Kasafin Kudin Bana

Manchester United ta doke kungiyar kwallon kafa ta Real Madrid a cinikin tsohon dan wasan na Lille mai shekaru 18 domin komawa Old Trafford don cigaba da taka leda.

Dan wasan tsakiyar, zuciyarsa na son komawa Real Madrid amma zakarun na La Liga sun gagara biyan kudin da Lille ta nema na dan wasan saboda ya rage saura shekara daya a kwantiraginsa da kulob din na Ligue 1.