Wasu mutane da ake kyautata zaton matsafa ne, sun kashe wani yaro a babban birnin jihar Adamawa ta jihar, Yola kuma suka cire wasu sassa na jikinsa.
An ga gawar yaron a Rumde, wani gari da ke kusa da karamar hukumar Yola ta kudu an tabbatar da cewa,an yanke harshen, tare da kwakule mata idanu.
- Shirin Kawo Karshen Yi Wa Mata Kaciya Nan Da 2030
- Na Bai Wa Bankuna Umarnin Wadata Mutane Da Takardun N200 – Emefiele
An tabbatar da cewa, yarinyar daliba ce a wata makarantar islamiyya da ke yankin.
Wasu nazauna wannan gari na Rumde sun tabbatar da cewa, sun ji kukan yarinyar sai ba su dauki wani mataki ba, sai suka dauka cewa wasu manyan dalibai ne ke hora kananan.
Jami’in hulda da jama’a na rundunar ‘yansandan jihar, SP Yahaya Nguroje ya ce an dauki gawar yaron zuwa asibiti domin yin gwaji, sannan kuma ayi kokarin gano mai laifin. Saboda haka, sai ya yi kira ga iyayen yara su ci gaba da kula da ‘ya’yansu.
Majiyarmu ta ci gaba da shaida mana cewa, yaron da aka kashe dalibi ne a makarantar islamiyya ta Tsangaya, wanda kuma aka kawo shi Yola daga nesa domin yin karatun addaini.
