Wasu bayanai da suka fito daga Ma’aikatar Albarkatun Man Fetur, ta ce g5wamnatin Tarayya, ta bayar da kusan Naira biliyan 173.2 domin daidaita farashin sama da lita biliyan 11.6 na man fetur tsakanin shekarar 2019 zuwa 2022.
Gwamnatin Tarayya na biyan kudin daidaita farashin man ne ta hanyar hukumar da ke kula da hada-hadar kasuwancin man fetur ta kasa.
- Kananan Yara Fiye Da Miliyan 5 Sun Mutu A 2021- Majalisar Dinkin Duniya
- An Kammala Gwaji Na Uku Na Shagulgulan Bikin Bazara Na 2023
Hukumar Kayyade Farashin Man Fetur (NMDPRA), ce ke tabbatar da daidata farashin man ta hanyar biyan kudin dakon man a manyan motoci zuwa gidajen mai.
Sai dai duk da wadannan maduden biliyoyin kudi da hukumar ke kashewa domin daidaita farashin, har yanzu ana sayar da man a mabambantan farashi a fadin kasar nan.
Wani abun takaici shi ne wasu gidajen man na boye man don samun damar sayar da shi sama da yadda gwamnati ta bayar da farashi.
Ana ci gaba da samun karancin man fetur a wasu manyan jihohin Nijeriya; Kano, Kaduna, Legas, Bauchi, Katsina da kuma babban birnin tarayya, Abuja.
An kwashe watanni ana tirka-tirka kan matsalar karancin man fetur, abin da ya haddasa tsadar wasu kayan masarufi ba gaira ba dalili.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
