Mutane 2 Sun Mutu, 28 Sun Jikkata A Hatsarin Mota A Hanyar Kaduna-Abuja 

Wasu matafiya biyu sun rasa rayukansu yayin da wasu 28 suka samu raunuka daban-daban a wani mummunan hatsarin mota da ya afku a hanyar Kaduna zuwa Zariya. 

Wani ganau, Mista Jonathan Ayuba, ya ce hatsarin ya rutsa da motar hukumar sufuri ta Jihar Katsina da wata tankar mai a wani yanki da ke kusa da kauyen Birnin Yero.

• Abba Gida-Gida Na Zargin Ganduje Da Karkatar Da Kudaden Gwamnati
• Mun Yi Takaicin Farashin Gwamnati Na Man Fetur, Naira 200 Ya Kamata A Duk Lita – ‘Yan Kasuwa

Mukaddashin kwamandan hukumar kiyaye hadura ta kasa (FRSC), reshen Jihar Kaduna, Garba Lawal, yayin da yake tabbatar da afkuwar hatsarin, inda ya kara da cewa mutane biyu sun mutu yayin da wasu 28 suka samu raunuka daban-daban.

Ya kuma gargadi direbobi da su rika yin hattara yayin tuki a kan hanya.