Hukumar hana sha da fataucin miyagun ƙwayoyi ta ƙasa (NDLEA) a Jihar Bauchi, ta ce ta kama mutane 415 da ake zargi da safarar miyagun ƙwayoyi tare da ƙwato jimillar tan 1.2 na ƙwayoyi daban-daban a shekarar 2024.
Kwamandan NDLEA a jihar, CN Ali Aminu, ya bayyana haka yayin wata hira da manema labarai ranar Talata a Bauchi.
Ya ce, tsakanin watan Janairu zuwa Disamban 2024, hukumar ta samu nasarar ƙwato ƙwayoyi masu kamar su tabar wiwi, Diazepam, Exol-5, Pentazocine, Methamphetamine, Rohypnol, da Tramadol.
A cewarsa, hukumar ta gabatar da ƙarar mutane 70 a kotu, inda an yanke wa mutane 84 hukunci, yayin da mutane 18 ke ci gaba da fuskantar shari’a a gaban babbar kotun tarayya da ke Bauchi.
Haka kuma, hukumar ta sauya tunanin masu amfani da miyagun ƙwayoyi 137 ta hanyar shawarwari ƙarƙashin kulawarta.
CN Aminu, ya yi kira ga jama’a da su guji ta’ammali da safarar miyagun ƙwayoyi, yana mai tabbatar da cewa duk wanda aka kama da laifin zai gurfana a gaban kotu.
Ya kuma nuna godiyarsa ga sauran jami’an tsaro bisa gudunmawar da suke bayarwa wajen samun nasarorin hukumar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
