‘Yan Nijeriya Na Kewar Buhari Saboda Azabar Da Suke Fuskanta A Hannun Tinubu – Amaechi

Tsohon Ministan Sufuri, Rotimi Amaechi, ya ce wahalar rayuwa a ƙarkashin Shugaba Bola Tinubu ta yi tsanani matuƙa, har wasu ‘yan Nijeriya sun fara kewar gwamnatin Shugaba Muhammadu Buhari.

Amaechi ya bayyana haka a Abuja, ya ce, “Tashin farashi ya kai ƙololuwa. Mutane ba sa iya siyan abinci. Komai ya lalace.”

Amaechi, wanda ya sanar da ficewarsa daga jam’iyyar APC, ya ce bai taɓa ganin Tinubu a matsayin wanda ya dace da shugabanci ba.

Amaechi ya soki faɗuwar darajar naira. Ya ce, “Dalar Amurka tana kusan ₦460 a lokacin Buhari, yanzu kuma ta kai ₦1,580.” Ya ce sauya gwamnati kaɗai ba zai wadatar ba, ya kuma buƙaci a samar da sabuwar tafiyar da jama’a za su jagoranta.

Haka zalika, tsohon Antoni Janar, Abubakar Malami, shi ma ya fice daga APC. Dukansu sun koma jam’iyyar adawa ta ‘African Democratic Congress’ (ADC), yayin da jam’iyyar ke shirin tsayawa takara a zaben 2027.

Muhammad

+ postsBio

• Muhammad

  Cikin Shekaru 28, Kudiri Ƙasa Da 10 Sanatocin Zamfara Ta Arewa Suka Gabatar A Majalisa – Shinkafi
• Muhammad

  2027: NNPP Ta Yi Wa Korarrun Mambobinta Afuwa, Ta Yi Alƙawarin Basu Tikitin Kai-tsaye
• Muhammad

  Musulunci Na Fuskantar Barazana A Karƙashin Mulkin Tinubu — Datti Baba-Ahmed
• Muhammad

  Kwankwaso Tamkar Tsuntsu Ne A Siyasa Da Yake Sauya Sheƙa Daga Nan Zuwa Can – Ganduje