NNPP Ba Za Ta Rasa Kujerar Gwamna A Kano Ba – Aniebonam

Wanda ya kafa jam’iyyar NNPP, Dr. Boniface Aniebonam, ya ce jam’iyyar ba za ta rasa kujerar gwamna a jihar Kano ba.

Aniebonam ya bayyana hakan ne a wata sanarwa da ya fitar ranar Lahadi a Legas.

• DA DUMI-DUMI: Kotu Ta Kori Gwamna Abba Gida-Gida Ta Tabbatar Da Nasarar Gawuna
• Da Dumi-dumi: Kotun Daukaka Kara Ta Kori Karar Da Abba Gida-gida Ya Shigar A Gabanta

LEADERSHIP HAUSA a baya ta rawaito muku cewa, kotun sauraren kararrakin zaben gwamnan jihar Kano a ranar 20 ga watan Satumba ta kori gwamna Abba Yusuf tare da bayyana dan takarar jam’iyyar (APC), Nasiru Gawuna a matsayin wanda ya lashe zaben gwamna da aka gudanar a ranar 18 ga watan Maris.

Dr. Boniface ya ce jam’iyya NNPP mai mulki a Kano ba za ta yi kasa a guiwa ba wajen daukaka kara ko zuwa kotun koli ba.

Aniebonam ya ce tuni dan takarar gwamnan APC ya taya Yusuf murna jim kadan bayan bayyana sakamakon zaben kuma bai je ya kalubalanci sakamakon a kotun ba.

Ya kara da cewa, don haka a kotun daukaka kara inda za a yi wa NNPP adalci lamarin zai sauya.