PDP Ta Karɓe Ofisoshin Yaƙin Zaɓen Buhari A Katsina

Jam’iyyar PDP reshen jihar Katsina ta samu nasarar karɓe wasu ofisoshin yaƙin neman zaɓen da Shugaban Ƙasa Muhammadu Buhari ya yi amfani da su a jihar.

• PDP Ta Koka Kan Yadda Jami’an CJTF Ke Cin Zarafin ‘Ya’Yanta A Borno

Da yake ganawa da ‘yan jarida a jihar Katsina, Shugaban jam’iyyar PDP na kasa, Sanata Iyorchia Ayu, ta bakin babban hadiminsa a bangaren yada labarai, Yusuf A. Dingyadi, ya ce, wannan matakin yana nuna alamar nasarar jam’iyyar ne a jihar da irin tasirinta..

Ya ce Gwamnatin APC da ke mulki a jihar ta kasa shawo kan matsalolin da suke addabar jihar musamman na tabarbarewar tsaro, talauci, rashin hadin kai da kuma lalacewar tattalin arziki a jihar.

Ya sha alwashin cewa PDP a kwanan nan kuma za ta sake mamaye wasu wuraren da APC ke rike da su, ya yi kira ga mambobin jam’iyyar APC da su sani tunin al’umma suka rigaya suka Sanya kwarin guiwarsu a kan PDP wajen ganin ita ce za ta kawo musu karshen matsalolin da da suke ciki.

Da yake magana kan rikicin cikin gida na jam’iyyar ta PDP, Dingyadi ya ce suna nan suna kokarin shawo kan matsalolin su na cikin gida.

“Tunin ma muka shawo kan dukkanin matsalolin da suke fuskantar jam’iyyar mu ta PDP.”