Sakataren yada labaran jamiyyar PDP a Jihar Borno, Mista Amos Adziba, ya koka yadda jami’an tsaro na sa kai wato CJTF da ke a jihar ke cin zarfin ‘ya’yanta.
Amos wanda ya bayyana hakan a cikin sanarwar da ya fitar ya kan kan yadda wani faifan Bidiyo ya nuna ‘yan CJTF a karamar hukumar Konduga suke cin zarfin wasu daga cikin ‘ya’yan PDP har da suka kama ‘ya’yan na PDP, inda ya yi nuni da cewa, irin cin zarfin da suke yiwa ‘ya’yan na PDP, abin ya wuce iyaka
- Shawarar Ziri Daya Da Hanya Daya Riba Ce Ga Kasashe Masu Tasowa
- IMMOWA Ta Horar Da Mata Da Yaran Jami’an Shige Da Fice Sana’o’i
Ya yi kira ga gwamnan jihar Babagana Zulum da ya gaggauta daukar mataki a kan lamarin tare da hukunta jami’an da suka aikata ta’asar a kan ”ya’yan na PDP.
A cewarsa, isan cin zarfin da jami’an suke yiwa ‘ya’yan na PDP na da basaba ne da zaben 2023, ina son in sanar da cewa, Allah ne kawai ya san wanda zai samu nasara a lokacin zaben.
Amos ya kara da cewa, cin zarfin da jami’an suke yiwa ‘ya’yan PDP a jihar ya isa haka domin a yanzu, ba mulkin soji ake yi a kasar nan ba kuma idan zabe ya zo, masu kada kuri’a ne, za su yanke hukunci.
Sakataren ya ce, APC a jihar, ta daina cin zarfin ‘ya’yan na PDP a jihar. domin ba za mu ci gaba da jure hakan ba.
