Rundunar Soji Sun Kashe Mayakan Boko Haram 6 A Borno

Dakarun Bataliya ta 152 dake karkashin Operation Hadin Kai (OPHK), sun kashe ‘yan ta’addan Boko Haram shida a garin Banki da ke karamar hukumar Bama a jihar Borno.

LEADERSHIP ta tattaro cewa an kashe maharan ne a ranar Lahadin da ta gabata a wani harin kwantan bauna da suka kai kan hanyar Kumshe zuwa Banki.

• ‘Yan Ta’adda Da Dama Sun Mutu A Wata Arangama Tsakanin ISWAP Da Boko Haram A Borno

Wani kwararre a fagen yaki da ‘yan tada kayar baya, kuma masani kan harkokin tsaro a yankin tafkin Chadi, Zagazola Makama, wanda ya tabbatar da harin, ya ce sojojin sun yi kwanton bauna ne bayan wani rahoton sirri da aka samu cewa an ga wasu ‘yan ta’addan Boko Haram da dama wadanda suka saba addabar matafiya tare da sace musu dukiyoyinsu a yankin.

Ayyukan sintiri da sojojin suka yi a kan titin sun samu babbar Nasara inda suka kashe kusan mutum shida daga cikin ‘yan ta’addan yayin da wasu da dama suka tsere da raunuka.

Idan dai za a iya tunawa, a ranar 11 ga watan Oktoba, sojojin bataliya ta 21 da ke Bama karkashin Operation Hadin Kai (OPHK) sun kashe ‘yan ta’addan Boko Haram fiye da goma a hanyar Kumshe zuwa Banki.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu