Kwamishinan ‘yansandan jihar Adamawa, CP Dankombo Morris, Psc (+), ya yi wa sabbin jami’an rundunar 12 karin girma a ofishin ‘yansanda da ke Yola ranar Asabar 13 ga Satumban 2024.
Bikin karrama jami’an ya zo ne a daidai lokacin da wasu jami’an ‘yansandan Nijeriya ke samun karin girma a kwanakin baya.
- Ya Kamata A Magance Shigar Banza A Masana’antar Kannywood -Samha M Inuwa
- Zaben Kananan Hukumomi: A Magance Maimaita Magudi A Jihar Kaduna
Taron ya samu halartar Hon Ahmed Lawan, babban mai taimaka wa mai girma gwamnan jihar Ahmadu Umaru Fintiri, da sauran masu ruwa da tsaki.
A nasa jawabin a madadin gwamnan SSA Ahmed Lawan, ya taya sabbin jami’an da suka samu karin girman murna, ya kuma bukace su da su yi amfani da karin girman da suka samu, ya kuma yi kira da su inganta ayyukansu a jihar.
Gwamnan ya tabbatar da kudirin gwamnatin jihar na ci gaba da tallafawa rundunar ‘yansandan da ke ci gaba da yaki da ‘yan Shilla da ayyukan ta’addanci a jihar.
A nasa bangaren, CP Dankombo Morris, ya bayyana cewa tun bayan da aka rantsar da shi, ya yi kokarin inganta dabarun ayyukan ‘yansandan a Al’umma da tsare tsare.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
