Jaruma kuma mawakiya a masana’antar Kannywood Sa’adatu Muhammad Inuwa ko Samha M Inuwa kamar yadda ake kiranta ta bayyana cewar daga cikin matsalolin da ya kamata a magance a masana’antar Kannywood akwai shigar banza da wadansu abokan sana’arta suke yi musamman mata.
Samha a wata hira da ta yi da BBC Hausa a cikin shirinsu na daga bakin mai ita ta bayyana cewar bai dace a ce ‘yar musulmi ta na shigar banza ko kuma ta saki gashin kan ta a waje ba a duk inda ta samu kan ta.
- Majalisar Dattawa Ta Dakatar Da Binciken Badakalar Mai
- Gwamnatin Tarayya Ta Ayyana Litinin A Matsayin Hutun Maulidi
Jarumar wadda a kwanakin baya ta yi bikin zagayowar ranar haihuwarta har ta samu kyautar mota daga wani masoyinta ta ce ba iya mota ta samu a yayin bikin ba akwai kyaututtuka da dama da ta samu daga wajen manyan mutane a Nijeriya.
ADVERTISEMENT
